Оғиз бўшлиғи аъзолари ва юз-жағ соҳалари тўқималарини

Рентген тасвирида
суякда кистага ўхшаш деструкция белгилари (доғ) 
аниқланади. Бўшлиқ ичида тўлиқ шаклланмаган доимий тишлар кўринади. Аниқ 
маълумотларни 3Д режимида ўтказилган КТ текширув ёрдамида олиш мумкин. 
Қиёсий ташхис:
амелобластома, фиброма, кисталар билан ўтказилади. 
Ушбу ўсмалар асосан морфологик текширув асосида фарқланади. 
Даволаш:
ўсманинг инфильтратив тарзда ўсишини эътиборга олиб, соғ 
тўқималар атрофида резекция усули билан олиб ташланади. Ўсма радикал ра-
вишда (қириб) батамом олинмаса, рецидив кузатилади. 
Одонтома 
– 
тишларнинг шаклланиш нуқсони. Доимий тишлар шакллана-
ётган даврда учрайди. Болаларда катталарга нисбатан кам учрайди. Ўсма каттала-
рда асосан катта озиқ тишлар, болаларда кесув тишлар соҳасида учрайди. Уч 
турга бўлинади: содда, мураккаб, аралаш одонтомалар.
Содда одонтома
битта тиш тўқималаридан иборат бўлади. 
Мураккаб одонтома 
бир нечта тишлар тўқималаридан таркиб топган 
бўлади. Тиш ҳосил қилувчи таркибий қисми (тўқима)ларнинг ҳар бири алоҳида, 
ажралган ҳолда тартибсиз жойлашади. 
Аралаш 
– 
одонтомада майда тишлар, тишга ўхшаш ҳосилалар, шаклсиз 
майда тишчалар ва уларнинг айрим қисмлари топилади. Аралаш одонтома 
мураккаб турдагидан тузилиш даражасинининг юқорилиги билан фарқилади. 
512 

---

Шикоятлар
– 
жағда шиш ҳосил бўлганлиги, тушган сут тишлар ўрнига 
доимий тиш чиқмаганлилига бўлади. 
Клиник манзараси:
альвеоляр ўсиқ бир оз қалинлашган, шу соҳада бир 
нечта доимий тишлар (йўқ) чиқмаган. Оғиз бушлиғи шиллиқ пардасида – 
ўзгаришлар кузатилмайди. 
Рентгенологик манзараси:
тасвирда гомоген ва ногомоген структурага эга 
бўлган четлари текис ўсма сояси кўринади. Соя четларида ўсманинг 
бириктирувчи тўқимадан ҳосил бўлган халта (капсула) си ажралиб туради. Ўсма 
сояси ичида тишга ўхшаш ҳосилалар кўринади. Ўсма ён атрофидаги тишлар ва 
тиш куртаклари ўз жойларидан силжиганлиги кузатилади.