Оддий стерженли механизмлар кинематикаси

Абсолют тезлик – бу қўзғалмас стойкага нисбатан тезлик. Тезлик бу нуқтанинг индексига қараб белгиланади, мисол V_В ёки Vs.
Нисбий тезлик – звенодаги бир нуқтанинг иккинчи нуқтасига нисбатан тезлиги. Асосан шатундаги нуқталарнинг нисбий тезликларини кўриб чиқамиз, мисол, V_cв С нуқтанинг В нуқтага нисбатан тезлиги.
Релятив тезлик – бу бир звенодаги нуқтани мос равишда тушувчи бошқа звенодаги нуқтага нисбатан тезлиги. Бу тезликни кулисали механизмларда кўриб чиқамиз. В нуқта (3.4-расм) 1-кривошип, ва 2-тошда шарнир ҳолатда тош кривошип билан боғлангандир; Шу вақт оралиғида бу нуқта 3-кулисадаги нуқта билан устма-уст тушади. Vв₃в₁ (ёки Vв₃в₂) релятив тезлик – бу кулисадаги В₃ тезликнинг кривошипдаги В₁ нуқтага нисбатан тезлик (ёки В₂ тошдаги нуқтага). Тош ва кулисанинг бир-бирига нисбатан илгариланма ҳаракатини ҳисобга олган ҳолда, релятив тезлик бу кулисани тошга нисбатан тезлиги.
Тезликларни аниқлашда графоаналитик ва аналитик методлар мавжуд. Графоаналитик методлардан энг кўп тарқалгани тезлик режаси ва кинематик диаграммалар усули. Аналитик методлар ва кинематик диаграммалар кейинроқ кўриб чиқилади. Бу ерда тезликларни аниқлашни тезликлар режаси ёрдамида кўриб чиқамиз.
Тезликлар режаси – бу абсолют, нисбий ва релятив тезлик векторларда аниқ масштабларда қурилган кўпбурчак. Бунинг ёрдамида механизмда оний чизиқли ва бурчакли тезликлар берилган ҳолатлар учун аниқланади (ҳудди шундай узатишлар нисбатан ҳам топилади, бу тўғрида кейинроқ гаплашамиз). Бу кўпбурчакда абсолют тезлик векторлар тезлик режасининг қутбидан ташқарига қараб йўналган бўлади, нисбий тезлик векторлари эса, абсолют тезлик векторларининг охирларини бирлаштирувчи векторлардир.
Кривошип-ползунли механизмнинг тезликлар режаси мисолида кўриб чиқамиз. Масаланинг берилган қиймати механизмнинг геометрик параметрлари ҳисобланиб, у m_l кнематик схемаси қурилган (4.4-расм) ва унинг кириш кинематик параметри – w ₁ қўзғалмас ўзгармас бурчак тезликка эгадир.
Кривошип В нуқтасининг чизиқли тезлиги маълум формуладан топиш мумкин.
_{ } (4.2)
Бу тезлик вектори исталган тезлик масштабларда қурилган тезлик режасидир. Тезлик масштаби
_{ } (4.3)

бу ерда: v - хақиқий чизиқли тезлик м/с да;

_{ }- бу тезлик векторининг чизмадаги ифодаси мм да .
қурилишни ва ҳисоблашни енгиллаштириш мақсадида тезлик масштабини исталганича олмасдан, уни кривошип В нуқтасининг тезлик векторини чизмадаги ифодасини механизм схемасидаги кривошип узунлигига тенг қилиб олинса мақсадга мувофиқ бўлади, яъни v қ AB. Унда (4.2) ни ҳисобга олганда тезлик масштаби: