Odam va uning salomatligi 8 B. Aminov, T. Tilavov, O. Mavlonov

IX  b o b .
TERI
31- §. Terining tuzilishi va funksiyasi
Ø
Qavatlari, vazifasi
Teri ko‘p qavatli epiteliy to‘qimasidan tashkil topgan
bo‘lib, odam tanasini tashqi tomondan o‘rab turadi. Uning
sathi o‘rta yoshli odamlarda 1,5—2 m
2
 gacha bo‘ladi. Terining
qalinligi tananing turli sohalarida turlicha bo‘ladi. Tananing
orqa, son, qo‘lning kaft, oyoqning tovon sohalarida terining
qalinligi 4 mm gacha, qovoq terisi undan o‘n marta yupqa —
0,4 mm bo‘ladi. Teri uch qavatdan iborat: 1)
epidermis
—
terining eng ustki qavati; 2)
derma
— asl teri qavati; 3)
giðo-
derma
— teriosti yog‘ qavati (51- rasm).
Epidermis
 epiteliy to‘qimasining ko‘p qavatli yassi hujay-
ralaridan tashkil topgan. Uning ustki qavatidagi hujayralar
tez-tez yemirilib (po‘st tashlab), ularning o‘rniga yangi
hujayralar hosil bo‘lib turadi. Epidermisning ustki qavati har
7—11 kunda butunlay yangilanadi.
Derma
 epidermisning tagida joylashgan bo‘lib, biriktiruvchi
to‘qimadan tashkil topgan.
Unda juda ko‘p mayda qon va
limfa tomirlari, nerv tola-
1
2
5
3
4
6

---

89
larining uchlari, retseptorlar, soch va tuk ildizlari, ter va yog‘
bezlari, mayda muskul tolalari bo‘ladi.
Giðoderma
 asl teri qavatining tagida joylashgan bo‘lib, u
yumshoq biriktiruvchi to‘qima va yog‘ moddasidan tashkil
topgan.
Òeri organizmda xilma-xil: himoya, sezish, ayirish, nafas
olish va  chiqarish,  tana  haroratining  doimiyligini  ta’minlash
kabi funksiyalarni bajaradi.