Odam savdosiga qarshi kurashish to‘G‘risida

11-modda. Odam savdosidan jabrlangan bolalarga yordam ko‘rsatish

Ixtisoslashtirilgan muassasalarning rahbarlari ularda odam savdosidan jabrlangan bolalar haqida ma’lumot paydo bo‘lgan taqdirda, qonun hujjatlariga muvofiq odam savdosidan jabrlangan bolalarning huquqlarini ta’minlash va himoya qilish maqsadida bu haqda vasiylik va homiylik organlariga darhol xabar qilishi shart.

Odam savdosidan jabrlangan bolalar ixtisoslashtirilgan muassasalarga joylashtirilganda ular katta yoshdagilardan alohida turishlari kerak.

Ixtisoslashtirilgan muassasalarga joylashtirilgan odam savdosidan jabrlangan bolalarga qonun hujjatlariga muvofiq davlat ta’lim muassasalariga qatnash imkoniyati beriladi.

Agar odam savdosidan jabrlangan bolalar ota-onasi qaramog‘idan mahrum bo‘lgan bo‘lsa yoki o‘z oilasi turgan joydan bexabar bo‘lsa, ularning ota-onasini yoki ota-onasining o‘rnini bosuvchi shaxslarni qidirish choralari ko‘riladi.