Odam savdosiga qarshi kurashish to‘G‘risida

12-modda. Odam savdosidan jabrlanganlarning xavfsizligini ta’minlash choralari va ularga beriladigan boshqa kafolatlar

.Tergovga qadar tekshiruvni amalga oshiruvchi organning mansabdor shaxsi, tergovchi, prokuror, sudya odam savdosida gumon qilinayotgan shaxslarni aniqlash maqsadida huquqni muhofaza qiluvchi organlar bilan hamkorlik qilish xohishini bildirgan odam savdosidan jabrlangan shaxsga nisbatan O‘zbekiston Respublikasining Jinoyat-protsessual kodeksida nazarda tutilgan xavfsizlik choralarini ko‘radi.

Agar odam savdosidan jabrlangan chet el fuqarosi yoki fuqaroligi bo‘lmagan shaxs O‘zbekiston Respublikasining Jinoyat-protsessual kodeksiga muvofiq jabrlanuvchi deb topilgan bo‘lsa yoki jinoyat ishi bo‘yicha guvoh bo‘lsa yoxud odam savdosida gumon qilinayotgan shaxslarni aniqlashda tegishli organlarga yordam berayotgan bo‘lsa, tergovga qadar tekshiruvni amalga oshiruvchi organ mansabdor shaxsining, tergovchining, prokurorning, sudyaning asoslantirilgan iltimosnomasiga ko‘ra bunday shaxsga nisbatan odam savdosida aybdor shaxslar xususida jinoyat ishi bo‘yicha qaror chiqarilguniga qadar, deportatsiya choralari qo‘llanilishi mumkin emas. Bunda odam savdosidan jabrlangan shaxsga uning O‘zbekiston Respublikasiga kirishi holatlaridan qat’i nazar, O‘zbekiston Respublikasida vaqtincha bo‘lish huquqi berilishi kerak.

(12-moddaning ikkinchi qismi O‘zbekiston Respublikasining 2019-yil 23-maydagi O‘RQ-542-sonli Qonuni tahririda — Qonun hujjatlari ma’lumotlari milliy bazasi, 24.05.2019-y., 03/19/542/3177-son)

Ushbu moddaning birinchi qismida nazarda tutilgan xavfsizlik choralari quyidagi hollarda bekor qilinishi mumkin:

Oldingi tahrirga qarang.

odam savdosidan jabrlangan qaysi shaxslarga nisbatan tezkor-qidiruv tadbirlari, tergovga qadar tekshiruv, dastlabki tergov yoki sud muhokamasi o‘tkazilayotgan bo‘lsa, shu shaxslar bilan aloqani ularning majburlovisiz tiklagan bo‘lsa;

shaxsning huquqni muhofaza qiluvchi organlar bilan hamkorlik qilishga bo‘lgan xohishi yolg‘on ekanligi yoxud shaxsning javobgarlikdan bo‘yin tovlash usuli ekanligi ishonchli tarzda aniqlangan bo‘lsa.

Odam savdosidan jabrlanganlar majburlov yoki tahdid ostida sodir etilgan qilmish uchun fuqarolik, ma’muriy va jinoiy javobgarlikdan O‘zbekiston Respublikasi qonun hujjatlarida belgilangan tartibda ozod qilinadi.