Ocr document

2-§. FRANKLAR IJTIMOIY TUZUMI VА DAVLATINING VUJUDGA KELISНl
Buyuk ko`chishlar boshlanishiga qadar german qabilalariga mansub franklar Reyn daryosi quyi oqimidagi hududlarda yashaganlar. Franklarda urug`chilik tuzumi bо`lib, qabila yo`lboshchilari harbiy ishda alohida jasorat ko`rsatgan kishilardan saylab qo`yilgan. Rim-gallar bilan yaqin qo`shnichilik munosabatlarida bo`lgan franklar­ning tashqi ko`rinishi ham boshqa gеrman qabilalaridan ancha farqlangan. Franklar gotlar va langobardlar kabi hayvon terisidan emas, matodan kiyim-bosh kiyishgan va soch-soqollarini olib yurishgan. Ularda faqat qirol oilasiga mansub kishilargina uzun soch bilan yurishlari mumkin bo`lgan. G`arbiy Rim imperiyasining inqirozidan keyin franklarga qo`shni bo`lgan Galliyada Rim noibi Egidiy mustaqil knyazlik tuzadi. Xuddi shu davrdan franklarning Galliyaga hujumlari yanada kuchayadi. Ularga frank qabilalaridan biri merovinglar sardоri Xlodvig boshchilik qiladi. Uddaburon va shafqatsiz Xlodvig tez orada o`z raqiblarini yengib, barcha frank qabilalari ustidan hukmronligini о`rnatadi. Egidiyning vorisi Siagriy qo`shinlarini 486-yili Suasson shahri yaqinidagi jangda mag`lub etgan Xlodvig franklar davlatiga asos soladi.
Franklar tuzgan davlat dastlab sulolalar nоmi bilan atalgan. Х asrdan Parij atrotidagi viloyat de Frans davlat nomiga asos bo`ladi va u Fransiya deb atala boshlandi.