Parij shahriga asos solingan miloddan avvalgi 53 yilda Notr-Dam de Parining o‘rnida qurbonlik keltiriladigan altar bo‘lgan. U vaqtlarda Parij ham Lyutetsiya deb nomlangan

Tahrirlash

Notr-Dam de Pari – Parij va Fransiyaning hatto Yevropaning ham ramzlaridan biri, o‘rta asr arxitekturasi durdonasi va gotika me’morchiligining yorqin namunasi, shuningdek, Viktor Gyugoning “Parijdagi Bibi Maryam ibodatxonasi” romanining to‘laqonli ishtirokchisi hamdir.

Parij shahriga asos solingan miloddan avvalgi 53 yilda Notr-Dam de Parining o‘rnida qurbonlik keltiriladigan altar bo‘lgan. U vaqtlarda Parij ham Lyutetsiya deb nomlangan. To Notr-Dam de Pari qurilguncha, uning o‘rnida bir necha bor kichik ibodatxona, xristianlar cherkovi barpo etilgan. Ammo vaqt o‘tib, aholi soni ko‘paygach, mavjud ibodatxona talabga javob bermay qolgan.

Notr-Dam de Parini qurish tashabbusi Parij yepiskopi Moris de Syulli tomonidan bildirilgan. 1163 yilda yepiskop katta ibodatxona tamal toshini qurish uchun Parijga Rim Papasi Aleksandr III ni taklif qilgan. Asosiy qurilish ishlari 19 yil davom etgan va ibodatxona ishga tushirilgan. Unda oliy darajali tadbirlar ham o‘tkazilgan. Ammo qurilish ishlari yana bir asrdan ortiqroq davom etgan

Notrdam maktabi - 12-13-asrlarda Parijdagi Bibi Maryam ibodatxonasidya faoliyat koʻrsatgan kompozitorlar, xonandalar va musiqashunoslar ijodida qaror topgan ijodiy yoʻnalish. Yirik vakillari — Leonin, Perotin, Y. Garlandia, Kyolnli Franko va boshqa N.-Notrdam maktabi vakillari avvalgi bir ovozli grigorian xorali negi-zida koʻp ovozli musiqa uslubini rivojlantirdi, vokal musiqaning yangi (kondukt, motet kabi) janrlarini yaratdi, bu janrlarda mukammal asarlarni ijod qilib, nota yozuvini isloh qildi (ritmik modus — qoliplar oʻrniga menzurali yozuvni kashf etdi).[1]