Очиқ маъруза Мавзу: Нўхат селекцияси

Узбекистанский 32. Ўзбекистон дончилик илмий текшириш институти (“Дон” илмий ишлаб чиқариш бирлашмаси)нинг селекцион нави. Милютинский 4 х К–1062 (Испания) дурагай комбинацияларида кўп мартали танлаш йўли билан яратилган. Муаллифлар: Олейник П.П., Эргашев Н. 1992 йилдан Республика лалмикор ерларида экиш учун Давлат реестрига киритилган. Тур хили корнеум, Европа – Осиё турига мансуб. Ўсимлик бутасимон, кичик, баландлиги 50 см. Пояси ярим штамб тўғри тугалланган, яшил, кулранг, қалин тукли. Қўлтиқ ости гуллари якка – якка, йирик, оқ. Дуккаги ромбсимон, ўткир учли, тукли. Уруғи бурчаксимон, ғадирбудир, сарғиш – пушти. 1000 та доннинг вазни 260,0 г. 2000 – 2004 синов йилларида лалмикор нав синаш шахобчаларида ўртача дон ҳосилдорлиги гектаридан 4,4 – 6,7 центнерга тенг. Об – ҳаво қулай йиллари 9,0 – 12,0 центнерни ташкил этди. Нав ўртапишар, вегетация даври 77 – 87 кун. Ётиб қолишга, тўкилиш, қурғоқчиликка ва дуккак ёрилишига бардошли. Доннинг сифати юқори, таъм сифати 5,0 балл. Нав оқсилга бойлиги билан фарқланади. Оқсил миқдори 28,0% гача. Аскохитоз билан кучсиз даражада зарарланади. Сифати бўйича қимматбаҳо нут навлари гуруҳига киради.

Юлдуз. Ўзбекистон дончилик илмий текшириш институти (“Дон”илмий ишлаб чиқариш бирлашмаси)нинг селекцион нави. К – 821 х Узбекистанский 8 дурагай комбинациясидан кўп мартали якка танлаш йўли билан яратилган. Муаллифлар: Олейник П.П., Эшмирзаев К.Э., Эргашев Н. 1998 йилда Жиззах, Қашқадарё, Сурхондарё, Самарқанд, Сирдарё, Тошкент вилоятларининг лалмикор ерларида экиш учун Давлат реестрига киритилган. Тур хили корнеум, Ўрта – Осиё кенжа тури. Бутаси тик турувчан, йирик, кулранг, қалин тукли, гуллари оқ, йирик, якка, Дуккаги бир – икки донли. Дони ғадир–будир, ўртача катталикда. Кесик қиррали, хира оқ. 1000 та доннинг вазни 295,0 – 342,8 г. 2000 – 2004 синов йилларида лалмикор нав синаш шахобчаларида ўртача дон ҳосилдорлиги гектаридан 5,0 – 7,1 центнерга тенг. Об – ҳаво қулай йиллари 6,0 – 12,0 центнерни ташкил этади. Нав ўртапишар, вегетация даври 77 – 86 кун. Ётиб қолишга, тўкилиш, қурғоқчиликка ва дуккак ёрилишига бардошли. Навнинг таъм сифати яхшилиги билан характерлидир. Оқсил миқдори 26,0 – 27,0% гача. Аскахитоз билан зарарланишга мойил. Сифати бўйича қимматбаҳо нут навлари гуруҳига киради.