Obyektning nomi: Chor minor madrasasi Ob’ekt bilan bog’liq tarixiy voqea

Obyektning nomi: Chor minor madrasasi
Ob’ekt bilan bog’liq tarixiy voqea: 1807-yilda xalifa Niyozqul tomonidan qurdirilgan. Ushbu inshootning qurilishiga homiylik qilgan Xalifa Niyozqul turkman urug‘idan bo‘lib, Amir Haydar hukmronligi davrida yirik davlat lavozimlarida ishlagan. U XIX asrning o‘rtalarida vafot etgan.
Afsonaga ko‘ra Halifa Niyozqul Hindistonda Toj-Mahalni ko‘rib unga mahliyo bo‘ladi. Buxoroda shunday inshoot qurishga ahd qiladi. Shuning uchun Chor Minorni ba’zida Buxoroning Toj-Mahali deb atashadi.

Obyekt manzili: Buxoro shaxri Eski Shahar Labi Havuz ansambli Mehtar Ambar ko’chasi
Obyekt va voqealar haqidagi ma’lumotlar manbai: Akbar Zamonov “Tarixiy obidalar”
Obyekt saqlanganlik holati: O‘zbekiston Respublikasi Oliy Majlisi tomonidan qabul qilingan 2000-yil 30-avgustda “Madaniy meros obyektlarini muhofaza qilish va ulardan foydalanish” hamda 2008-yil 12-sentabr “Muzeylar to‘g‘risida”gi qonunlari madaniy meros obyektlarining huquqiy kafolatidir.
Obyekt kimning nazoratiga olingan: UNESCO tashkilotining Butunjahon madaniy yodgorliklari ro’yxatiga kiritilgan. Davlat muhofazasiga olingan
Obyekt haqida qisqacha ma’lumot:
Chor Minor(fors. — toʻrt minora) Buxorodagi meʼmoriy yodgorlik (1807). Xalifa Niyozquli qurdirgan. Chor minor anʼanaviy usulda qurilgan masjid, bir qavatli Madrasa, atrofi bir kavatli xujralar bilan oʻralgan hovlidan iborat. Sinchli peshayvon tipidagi masjid hovlining jan.gʻarbiy burchagida joylashgan. Madrasaga 2 qavatli, gumbaz tomli darvozaxona orqali kiriladi. Murabba tarxli darvozaxona oʻziga xos mujassamot yechimiga ega: oldi peshtokli, toʻrtburchagida toʻrtta minora joylashgan (nomi ham shundan), minoralarning tepa qismi gumbaz shaklida yakunlangan boʻlib, ular sirkori koshinlar bilan bezatilgan. 2 qavatli xonaning 1qavati miyonsaroy koʻrinishida boʻlib, izoralari toshlar bilan qoplangan, tomi gumbazli, 2qavati kutubxona, kutubxonaning shifti pastak gumbazli boʻlib, sodda muqarnaslar halqasi bilan toʻldirilgan. 2qavatga minoralarning biridagi zina orqali chiqiladi.

So’rovnoma kartasini tuzgan shaxs: Valiyeva Marjona
Tuzilgan sana: 24.05.2022