Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

2 - §. Гелий олиш қурилмаси

244. 
     Ишлаётган газ ажратиш блокининг аппарат хонасида портлашдан хавфли аралашма вужудга келишининг олдини олиш мақсадида қуйидагиларни бажариш лозим:
     

1. 
   шамоллатгич каналларининг доимий ишлашини таъминлаш;
   
2. 
   блоклар каналларининг ғилофи ичидаги ва аппарат хонасидаги газланишни газтаҳлиллагич ва сигнал бергичлар ёрдамида мунтазам назорат қилинишини таъминлаш.
   

Ҳаво муҳити хақидаги маълумот бошқарув пултига юборилиши керак.

245. 
     Каналлардаги ёнувчан газлар миқдори 1 % дан (ҳажм бўйича) ошиб кетса, каналларга газсимон азот юбориш ва аппарат хонасидаги сўрувчи вентиляцияни ишга тушириш лозим.
     
246. 
     Аппарат ва коммуникацияларни таъмирлашдан олдин ёнувчан газларнинг миқдори портлашнинг пастки чегарасининг 20 % гача етгунча азот билан пуфлаш, сўнг ёнувчан газлар миқдори РЭК етгунча ҳаво билан пуфлаш лозим.
     
247. 
     Коммуникациялар ва ёнувчан газлар аппаратларидаги импулсли йўллар, пуфлагичлар, тартиблагичларни тозалашдан чиққан газни бинонинг ташқарисидаги машъалага (ҳавога) чиқариш керак.
     
248. 
     Суюлтирилган газлар билан боғлиқ барча технологик операцияларни бажарувчи ишчилар ёнлари тўсилган ҳимоялаш кўзойнаклари, махсус кийим ва брезент қўлқоплардан фойдаланишлари зарур. Суюлтирилган газли, изоляцияланмаган идишларга қўлқоп киймай тегиш мумкин эмас.
     
249. 
     Гелий олиш қурилмасига хизмат кўрсатиш пайтида босим остидаги аппарат ва коммуникациялардаги сизиб чиқишларни бартараф этиш тақиқланади.
     

3 - §. Ҳаво ажратиш блоки

250. 
     Ҳаво ажратиш блоки қурилмаси ҳаводан ажратилган маҳсулотларни ишлаб чиқариш ва улардан фойдаланишдаги хавфсизлик талабларига мос бўлиши керак.
     
251. 
     Ичида килород билан бойитилган ҳаво мавжуд бўлган машина, аппарат ва қувурўтказгич кўк рангга бўялиши ва циферблатида “Кислород, мойдан хавфли” деган ёзув ва махсус кислород манометрлари билан таъминланиши даркор.
     
252. 
     Ҳавони ажратиш блокининг колоннаси вақтинча 3 h (соат)дан ортиқ тўхтатилса, колоннадаги суюқ азотни бутунлай тўкиш керак.
     
253. 
     Ҳаво ажратиш колонналари ва бошқа аппаратларни дихлорэтан ёки углерод тетрахлориди билан ювиб, ишлатилган суюқлик тўкилгандан сўнг ажралган буғларни хонадан ташқаридаги хавфсиз зонага юбориш керак.
     
254. 
     Ҳаво ажратиш блоки колоннасидаги босим тасодифан технологик регламентда белгиланган ишчи миқдордан пасайиб кетса, дарҳол ҳаво компрессорини тўхтатиш, барча коммуникациялардаги босимни пасайтириш ва бу тўғрида смена бўйича муҳандисга хабар бериш даркор.
     
255. 
     Конденсаторда, технологик регламентда ўрнатилган меъёрлардан зиёд органик бирикмалар бўлган ректификация колонна кубида (буғлатгич)да ҳаво ажратиш блокини ишлатиш тақиқланади. Органик бирикмалар миқдорини технологик регламент талабларига асосан назорат қилиб туриш даркор.
     
256. 
     Суюлтирилган азотни ҳаво ажратиш блокидан Дьюар идишига берилиши фақат смена бошлиғининг ёзма рухсатномасига асосан бажарилиши лозим.