O` zbekis t onrespublikas I

Del’fincha suzish
Del’fincha suzish yoki batterflyay usulida suzish brass usulida suzishning bir turi sifatida maydonga keldi. Uning sportcha suzish turi o`rnida rivojlanib, takomillashib borishida ko`pgina sportchilar salmoqli hissa qo`shdilar. Masalan, 1936-yili B. Boychenko 100 metrga, 1941-yili 200 metrga suzish bo`yicha olib borilgan musobaqalarda o`sha davrning jahon rekordchisi bo`ldi. Ammo bu paytlarda suzishning bu usuli hali mustaqil sport turi deb tan olinmagan edi. Faqat 1953-yili FINA maxsus qaror qabul qilib, suzishning bu del’fincha usulini suzish sportining mustaqil turi ekanligini rasmiy xabar qildi. Shundan keyin olimpiada o`yinlarida bu usulda bellashuvga ayollar uchun 100 metr, erkaklar uchun 200 metrli dastur kiritildi. 1968-yildagi Mexiko (Meksika)da bo`lgan XIX Olimpiadada yana ikkita programma: ayollar uchun 200 metr, erkaklar uchun 100 metrli masofada musobaqalashish qo`shildi. Shu yo`sinda suzishning bu usuli rivojlanib bordi, uni bajarish texnikasi esa takomillashaveradi. Natijada 1972-yilgi Myunxen (GFR)da, 1976-yilgi Monreal’ (Kanada)da o`tkazilgan XX va XXI Olimpiada o`yinlarida ikki zarbli texnika usuli amaliy jihatdan eng afzal usul deb tan olindi. Bunda qo`llar yordamida qattiq zarb bilan eshish, eshish vaqtida tirsaklarni yuqori tutish, o`rtacha amplitudada gavda bilan to`lqinsimon harakat qilib borish, ikki zarbli del’fincha suzish usulining eng zarur elementlari sifatida ma`qullandi.
Del’fincha suzish usuli ikkala qo`l va ikkala oyoq bilan bir vaqtda, simmetrik ravishda bajarilgan tananing to`lqinsimon harakatlari majmuasini o`z ichiga oladi. Uning ayrim harakat elementlari borki, bular ko`krakda krol’ usulida
suzishdagiga o`xshash bajariladi, tezligi jihatidan undan keyingi, ya`ni ikkinchi
o`rinda turadi. Biz quyida ikki zarbli del’fincha suzish usulining texnikasi xususida to`xtalamiz. Bunda har bir tsikl bir marta qo`llar bilan harakatlanib, ikki marta oyoqlar bilan zarb berish va bir marta nafas olib, bir marta nafas chiqarish bilan tugaydi. Suzuvchining gavdasi suv yuzida qo`l - oyoqlari uzatilgan, boshi yuzni suvga botirgan holatda bo`ladi (3.3-rasm).
3.3-rasm