O qo‘shmurodov, B. Shukuriddinov

Lepidolit – K(Li,Al)₂[(Si,Al)₄O₁₀](F,OH)_2. Monoklin singoniyali, varaq-varaq plastinkadan yoki yupqa tangachalardan iborat bo‘ladi. Rangi oq, ko‘pincha pushti, och gunafsha rangda, yaltirashi shishadek, yuzalari sadafdek, qattiqligi – 2–3, varaqchalari egiluvchan, solishtirma og‘irligi – 2,9. Pegmatitlarda, greyzenlarda va yuqori haroratli gidrotermal tomirlarda uchraydi. Odatda spodumen, turmalin, topaz, kassiterit, flyuoritlar bilan birga yuzaga keladi.

Flogopit – KMg₃[(OH)₂(AlSi₃O₁₀)]. Mineral nomi grekcha «Flogopos» – «olovdek», ba’zida «magniyli slyuda» deyiladi. Monoklin singoniyali, monoklin prizmatik, qiyofasi tabletkasimon, kalta prizmatik, ba’zan kesik piramida shaklida bo‘ladi. Uning rangi och sarg‘ish-qo‘ng‘ir, kumushdek tovlanadi. Yaltirashi shishadek, sadafdek tovlanadi. Qattiqligi – 2–3. Flogopit pegmatit va kontakt-metasomatik jinslarda uchraydi. Uning yo‘ldosh minerallari: diopsid, forsterit, shpinel, dolomit, dala shpatlari va skopolitlar.