O’. Asqarova, Z. Qoraboeva, M. Samidjonova

Tadqiqot natijalarining ishonchliligi muammoga falsafiy, metodologik, metodik, psixologik va pedagogik yondashuvlarga hamda maktabgacha yoshdagi bolalar faoliyatini integratsiyalash jarayonida ma’naviy-axloqiy tarbiyalashga doir milliy tajriba, respublikamiz va chet ellik olimlar, shuningdek, kommunikativ faoliyatni tashkil etishga doir ilg’or ish tajribalarga asoslanganligi, tadqiqot vazifalariga mos keluvchi, o’zaro bir-birini to’ldirib boruvchi metodlarning qo’llanilganligi, tahlil va tadqiqot tavsifining miqdor, shuningdek, sifat jihatidan ta’minlanganligi, tajriba-sinov ishlarining reprezentativligi hamda olingan natijalarning matematik-statistik tahlil metodlari yordamida qayta ishlanganligi bilan belgilanadi.
Tadqiqot natijalarining ilmiy va amaliy ahamiyati. Tadqiqot natijalarining ilmiy ahamiyati dissertatsiyada ilgari surilgan nazariy-empirik yondashuvlar, qarashlar, ilmiy tavsiyalar ishlab chiqilganligi, shuningdek, maktabgacha yoshdagi bolalar faoliyatini integratsiyalash jarayonida ma’naviy- axloqiy tarbiyalashga yo’naltirilgan didaktik vaziyatlar mazmuni, printsiplari, shakllari, vositalari, usullari va metodlari, pedagogik-psixologik imkoniyatlari takomillashtirilganligi, shuningdek, maktabgacha yoshdagi bolalar faoliyatini integratsiyalash jarayonida ma’naviy-axloqiy tarbiyalashga yo’naltirilgan pedagogik jarayonning didaktik, psixologik xususiyatlari, mazmuni, vositalari, usullari va metodlari bilan boyitilgani bilan izohlanadi.
Tadqiqot natijalarining amaliy ahamiyati mavzuga oid ta’lim-tarbiyasini tashkil etishda maktabgacha yoshdagi bolalar faoliyatini integratsiyalash jarayonida
ma’naviy-axloqiy tarbiyalanganlik darajasi pedagogik-psixologik diagnostikasi, bolalar faoliyatini integratsiyalash modelining qo’llash imkoniyatlarining kengaytirilgani hamda oliy o’quv yurtlarining maktabgacha ta’lim pedagogikasi, pedagogika nazariyasi, tarbiyaviy ishlar nazariyasi va metodikasi kurslari mazmunini boyitishi, malaka oshirish kurslari dasturlarini takomillashtirishda, MTT mutaxassislari ish tajribasini ommalashtirishda foydalanish mumkinligi bilan belgilanadi.