Нутрицевтика Нутрицевтики. Что это такое? Их польза, назначение и применение

6-боб. Ўзбекистонда озиқ-овқат хавфсизлигини таъминланиш даражасининг мониторинги
13. Озиқ-овқат таъминотининг узулуксиз, барқарор нархларда бўлишига доир манзилли, тезкор чоралар кўриш мақсадида аҳолининг асосий турдаги озиқ-овқат маҳсулотлари билан таъминланиши ҳолати юзасидан мониторинг амалга оширилади.
14. Мониторинг ҳар чорак якуни бўйича қуйидаги асосий йўналишларда амалга оширилади:
талаб этиладиган меъёрларда озиқ-овқатнинг етарлилиги;
озиқ-овқатнинг мувозанатлилиги;
иқтисодий жиҳатдан аҳолининг харид имконияти;
озиқ-овқат маҳсулотларининг хавфсизлиги;
озиқ-овқат маҳсулотларини ишлаб чиқариш ва истеъмол қилиш кўрсаткичлари;
озиқ-овқат маҳсулотларига кутилаётган тақчилликнинг прогнозлаштирилаётган ҳажмлари.
***
7-боб. Миллий дастурни амалга оширишдан
кутилаётган натижалар
15. Мазкур Миллий дастурни амалга ошириш орқали қуйидагиларга эришилади:
аҳоли зарур миқдор ва сифатда асосий турдаги озиқ-овқат маҳсулотлари билан барқарор нархларда таъминланади;
қишлоқ хўжалигида фойдаланиладиган экин майдонларининг мелиоратив ҳолати яхшиланади;
266 минг гектар ишлаб чиқаришдан чиқиб кетган ерлар босқичма-босқич фойдаланишга қайтарилади;
қишлоқ хўжалик ва озиқ-овқат маҳсулотлари ишлаб чиқариш хажмлари 30-40 фоизга ортади, шу жумладан чорвачилик маҳсулотлари ишлаб чиқариш 20 фоизга, балиқ етиштириш ва овлаш 2018 йилга нисбатан 2024 йилда 509 фоизга, қишлоқ хўжалик маҳсулотларини қайта ишлаш хажмлари 15-20 фоизга кўпаяди;
озиқ-овқат маҳсулотлари хавфсизлигига тегишли халқаро стандартларни кенг жорий қилиш натижасида маҳсулотлар сифати янада яхшиланади;
аҳоли ўртасида тўғри ва соғлом овқатланиш борасидаги тарғибот-ташвиқот ишлари аҳолининг соғлом овқатланишини таъминлашга хизмат қилади.
***
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ
ҚАРОРИ
ОЗИҚ-ОВҚАТ МАҲСУЛОТИНИ ТАМҒАЛАШ ЮЗАСИДАН УНИНГ ХАВФСИЗЛИГИ ТЎҒРИСИДАГИ УМУМИЙ ТЕХНИК РЕГЛАМЕНТНИ ТАСДИҚЛАШ ТЎҒРИСИДА
«Техник жиҳатдан тартибга солиш тўғрисида»ги Ўзбекистон Республикаси Қонунига мувофиқ, озиқ-овқат маҳсулотини тамғалаш юзасидан унинг хавфсизлигига қўйиладиган ягона талабларни белгилаш мақсадида Вазирлар Маҳкамаси қарор қилади:
1. Озиқ-овқат маҳсулотини тамғалаш юзасидан унинг хавфсизлиги тўғрисидаги умумий техник регламент иловага мувофиқ тасдиқлансин ва расмий эълон қилинган кундан бошлаб ўн икки ой ўтгандан кейин амалга киритилсин.
2. «Техник жиҳатдан тартибга солиш тўғрисида»ги Ўзбекистон Республикаси Қонуни талабларига мувофиқ техник регламентлар амалга киритилгач уларда кўрсатилган маҳсулотлар ва хизматларга доир илгари қабул қилинган стандартлаштириш бўйича норматив ҳужжатлар мажбурийлик хусусиятини йўқотиши ва белгиланган тартибда қўлланилишида ихтиёрийлик касб этиши маълумот учун қабул қилинсин.
3. «Ўзстандарт» агентлиги:
ваколатли органлар билан биргаликда ушбу қарор билан тасдиқланган Умумий техник регламент белгиланган тартибда амалга киритилган кундан бошлаб озиқ-овқат маҳсулотини тамғалаш юзасидан стандартлаштириш бўйича норматив ҳужжатларни қўллашда мажбурийлик хусусиятини бекор қилиш ва ихтиёрийликни таъминлаш чораларини кўрсин.
«Ўзбекозиқовқатхолдинг» ХК ва Ўзбекистон миллий телерадиокомпанияси билан биргаликда тасдиқланган Умумий техник регламентнинг мақсадлари, мазмуни ва уни қўллаш тартиби тўғрисида аҳоли, давлат ва хўжалик бошқаруви органлари, тадбиркорлик фаолияти субъектлари кенг хабардор қилинишини ва тушунтириш ишлари олиб борилишини таъминласин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — «Ўзавтосаноат» АЖ бошқаруви раиси У.У. Розукулов ва Ўзбекистон Республикаси Бош вазирининг ўринбосари — Ўзбекистон Республикаси қишлоқ ва сув хўжалиги вазири З.Т. Мирзаев зиммасига юклансин.