Нутрицевтика Нутрицевтики. Что это такое? Их польза, назначение и применение

4-боб. Озиқ-овқат хавфсизлигини мустаҳкамлашнинг
асосий механизмлари
7. Озиқ-овқат хавфсизлигини таъминлаш механизмлари белгиланган мақсадли мезонлар асосида қуйидаги тадбирлар уйғунлигида амалга ошириш орқали таъминланади:
республиканинг барча худудлари даражасида озиқ-овқат хавфсизлигини аниқлаш, баҳолаш ва кутилиши мумкин бўлган хавфни олдиндан билиш тизимини жорий қилиш;
озиқ-овқат хавфсизлигини таъминлаш бўйича халқаро талабларга
уйғунлашган меёрий-хуқуқий хужжатлар тизими жорий қилиш;
республиканинг барча худудлари даражасида белгиланган мақсадли мезонларни бажаришни таъминловчи агросаноат мажмуасини барқарор ривожлантириш ва озиқ-овқат хавфсизлигини таъминлашни тартибга солиш ва бошқариш тизимини жорий қилиш.
8. Озиқ-овқат хавфсизлигини таъминлаш механизмлари қуйидаги давлат бошқарув органлари томонидан амалга оширилади:
а) Ўзбекистон Республикаси Ҳукумати – давлат органлари ва бошқа ташкилотларнинг озиқ-овқат хавфсизлигини таъминлаш бўйича фаолиятини мувофиқлаштиради;
б) Ўзбекистон Республикаси Қишлоқ хўжалиги вазирлиги – озиқ-овқат хавфсизлигини таъминлаш ягона сиёсатни қуйидаги мехнизмлар асосида амалга оширади:
озиқ-овқат хавфсизлигини таъминлаш мақсадлари ва мезонларига эришиш ва уларни сақлаш бўйича зарурий чора-тадбирларни амалга ошириш;
озиқ-овқат хавфсизлигини таъминланиш холати ва уни таъминлаш борасида олиб борилаётган ишлар устидан мониторинг ва назорат тизимини ташкил қилиш;
фавқулотда ҳолатлар юзага келганда ўрнатилган тартибда озиқ-овқат хавфсизлигини таъминлаш бўйича керакли чора-тадбирларни амалга ошириш;
в) маҳаллий давлат ҳокимияти органлари – ҳудудларнинг хусусиятлари асосида озиқ-овқат хавфсизлигини таъминлаш бўйича ягона давлат сиёсатини амалга оширади ҳамда керакли ҳажмда озиқ-овқат маҳсулотлари ва хом ашё захирасини шакллантиради ва сақлашни таъминлайди;
г) Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси озиқ-овқат хавфсизлиги соҳасидаги қонун ҳужжатлари талабларига риоя қилиниши ҳолатини назорат қилади.
***