Нутрицевтика Нутрицевтики. Что это такое? Их польза, назначение и применение

3-боб. Озиқ-овқат хавфсизлигини таъминлашнинг
асосий йўналишлари ва вазифалари
5. Қуйидагилар озиқ-овқат хавфсизлигини таъминлашнинг асосий йўналишлари ҳисобланади:
озиқ-овқат хавфсизлиги соҳасида норматив-ҳуқуқий базани такомиллаштириш;
қишлоқ хўжалигига мўлжалланган ерлар ва сув ресурсларидан оқилона фойдаланиш;
асосий турдаги қишлоқ хўжалик ва озиқ-овқат маҳсулотлари, хом-ашёни ички ишлаб чиқаришни барқарор ривожлантириш;
чорвачилик соҳасини барқарор ривожлантириш, чорвачилик маҳсулотлари ишлаб чиқариш хажмларини кўпайтириш, чорва озуқа базасини мустаҳкамлаш;
қишлоқ хўжалиги ва озиқ-овқат маҳсулотлари ишлаб чиқариш инфратузилмасини яхшилаш;
озиқ-овқат маҳсулотлари хавфсизлигини таъминлаши;
аҳолини барча қатламларини озиқ-овқат маҳсулотлари билан таъминланиши учун иқтисодий имкониятларини ошириш;
озиқ-овқат хавфсизлигини таъминлашни давлат томонидан тартибга солиш ва назорат қилиш.
6. Озиқ-овқат хавфсизлигини таъминлашнинг асосий йўналишларидан келиб чиқиб, қуйидаги вазифалар бажарилади:
а) озиқ-овқат хавфсизлиги соҳасида норматив-ҳуқуқий базани такомиллаштириш соҳасида:
озиқ-овқат хавфсизлиги соҳасини комплекс ҳуқуқий тартибга солиш;
органик маҳсулот ишлаб чиқаришнинг ҳуқуқий асосларини мустаҳкамлаш;
ген инженерияси соҳасини давлат томонидан тартибга солишнинг ҳуқуқий асосларини яратиш;
сув ресурсларидан самарали фойдаланиш тизимини такомиллаштириш, бу соҳадаги қонун ҳужжатларини кодификациялаштириш;
аҳолининг физиологик талабини ва янгиланган меёрий талабларни инобатга олиб “истеъмол саватчаси”нинг ҳуқуқий асосларини белгилаш;
Ўзбекистон Республикасининг “Яйловлардан фойданиш тўғрисида”ги Қонуни лойиҳасини ишлаб чиқиб, белгиланган тартибда киритиш;
б) қишлоқ хўжалигига мўлжалланган ерлар ва сув ресурсларидан оқилона фойдаланиш соҳасида:
мавжуд қишлоқ хўжалик ер майдонларида балл-бонитети, тупроқ-иқлим шароитларини инобатга олган ҳолда, ички ва ташқи бозорларда харидоргир ва рақобатбардош бўлган экин турларини оқилона жойлаштириш;
қишлоқ хўжалиги ер участкаларига экологик-иқтисод паспортларини жорий қилиш, бунда тупроқнинг агрофизик, физик-кимёвий, агрокимёвий ва биологик хусусиятлари, тупроқ қатламининг оғир металлар, радионуклидлар ва пестицидлар билан ифлосланганлиги тўғрисидаги тўлақонли маълумотларни тўплаш тизимини яратиш;
фойдаланишдан чиқиб кетган 266,1 минг гектар ер майдонларини қишлоқ хўжалик экинлари экишга қайтариш, лалми ерлардан самарали фойдаланиш чораларини кўриш. Бунда:
хўжалик субъектининг ихтисослашувидан қатъий назар рекультивация ишлари бажариладиган даврда ва улар якунланган вақтдан эътиборан беш йил мобайнида қишлоқ хўжалиги экинларини мустақил равишда жойлаштириш ва етиштирилган маҳсулотни эркин тасарруф этиш ҳуқуқини бериш;
ўз маблағлари ёки кредит ресурслари ҳисобига рекультивация ишларини амалга оширган субъектларга рекультивация ишлари бажариладиган даврда ва улар якунланган вақтдан эътиборан икки йил мобайнида қишлоқ хўжалиги маҳсулотлари етиштириш учун имтиёзли (йиллик 5 фоиз ставкада) кредит ажратиш ва имтиёзли лизинг шартларида техника воситалари билан таъминлаш;
мавжуд яйловлар самарадорлигини ошириш, фойдаланишдан чиқиб кетган яйловларни маданийлаштириш, яйлов ерларидан оқилона ва самарали фойдаланиш ҳамда деградация учрашининг олдини олиш бўйича тадбирлар ишлаб чиқиш, улардан босқичма-босқич фойдаланишга қайтариш жараёнларида чорва молларини суғориш тизимилари тиклаш;
ер ости сизот сувлари сатхи юқори бўлган ва турли даражада шўрланган ер майдонларнинг мелиоратив ҳолатини яхшилашга қаратилган ирригация-мелиорация тадбирларини амалга ошириш;