Нормал физиология курсига кириш

Модда ва энергия алмашинуви 
 
Тирик организмдаги ҳар қандай жараѐнлар энергия ажралиши билан кечади. 
Энергия ажралиши организмнинг иш бажара олишидан далолат беради. Энергияларнинг 
ҳоссаларини ва тизимда уларнинг ўзгаришини физиканинг махсус бўлими 
термодинамика ўрганади. Атроф муҳитдан шартли равишда ажратиб олинган 
мавжудотлар мажмуи термодинамик тизим дейилади. Термодинамик тизимни алоҳида, 
ѐпиқ ва очиқ турларга бўладилар. Алоҳида ѐки ажратиб олинган тизимга кирувчиларнинг 
энергия ва массаси ўзгармайди, улар атроф мухит билан модда ва энергия 
алмашмайдилар. Ёпиқ тизимда атроф мухит билан энергия алмашадилар, лекин модда 
алмашмайдилар, шунинг учун уларнинг массаси доимий ўзгармас холда бўлади. Очиқ 
тизимда эса атроф мухит билан ҳам модда, ҳам энергия алмашинуви содир этилади. 
Термодинамика нуқтаи назаридан тирик организмлар очиқ термодинамик тизимга 
кирадилар, чунки улар ҳаѐти давомида ташқи муҳит билан тинимсиз модда ва энергия 
алмашинувида бўладилар.
Термодинамиканинг биринчи қонунига асосан энергия бир турдан иккинчи турга 
айланиши мумкин, лекин йўқолмайди. Термодинамиканинг иккинчи қонунига энергиянинг 
барча тури охир оқибатда иссиқлик энергиясига айланади ва материя таркибида 
тартибсизлик вужудга келади. Тизимнинг тартибсизлик даражаси энтропия деб
аталади. 
Бу қонунга асосан ѐпиқ тизим ичида энтропия ортиб беради ва фойдали энергия (яъни иш 
бажаришда фойдаланиладиган энергия) камайиб боради. Энтропияни ортиши кимѐвий 
энергияни иссиқлик энергиясига айланишига олиб келади, натижада тирик организм 
таркибий ва функционал ҳолатини тутиб турмоқ учун янги энергия манбаи овқат 
истеъмол қилиши зарур бўлади.
Модда ва энергия алмашинуви тирик организмда модда ва энергия ўзгаришини 
организм ва ташқи муҳит ўртасида модда ва энергия алмашинувини таъминловчи физик-
кимѐвий ва физиологик жараѐнлар мажмуидир. Тирик организмдаги модда алмашинуви 
ташқи муҳитдан ҳар хил моддаларни ташиши, ўзгариши, уларни ҳаѐт фаолияти учун 
ишлатиш ва ҳосил бўлган чиқинди моддаларни ташқарига чиқариб юборишдан иборат.
Организмдаги барча модда ва энергия ўзгаришларини умумлаштириб-
метаболизм (модда алмашинуви) деб номланган. Бу ўзгаришлар ҳужайра даражасида 
метаболизм йўллари деб аталувчи кетма-кет келувчи мураккаб реакциялардан иборат. Бу 
реакциялар генетик ва кимѐвий механизмлар ѐрдамида бошқарилиб турилади. 
Метаболизм икки қарама-қарши йўналган ва бир-бири билан боғлиқ: анаболизм 
(ассимиляция) ва катаболизм (диссимиляция) жараѐнларидан иборат.
Анаболизм-ҳужайра, тўқима ва аъзолар таркибидаги органик маддалар 
биосинтези жараѐнлари мажмуидир. У организмда ўсиш, ривожланиш, биологик 
таркибини янгилаш, энергияни тўплаш (макроэргик боғларни синтезлаш) жараѐнларини 
таъминлайди. Анаболизм овқатли моддалар таркибида тушган молекулаларини бошқа 
мураккаб молекулаларга кимѐвий ўзгартиришдан иборат. Масалан, аминокислоталарни 
ҳужайра генетик аппаратидаги кўрсатмага асосан синтезланаѐтган ҳужайра оқсиллари 
таркибига киритиш.
Катаболизм-мураккаб молекулаларнинг содда моддаларгача парчаланиши, 
уларнинг бир қисмини биосинтезга асос қилиб олиниши ва бошқа қисмини эса охирги 
махсулотларгача парчаланиши ва энергия ажратиши жараѐнларининг мажмуидан иборат. 
Метаболизм натижасида қуйидаги охирги махсулотлар ҳосил бўлади: сув (одамларда бир 

---

107 
кунда тахминан 350 мл), карбонат ангидрит (230 мл/мин), ис гази (0,007 мл/мин), 
мочевина (бир кунда 30 г ча), азот сақловчи бошқа, моддалар (бир кунда тахминан 6 г ).
Катаболизм натижасида овқатли моддалар молекулаларидан энергия ажралиб 
чиқади ва организм эхтиѐжи учун сарфланади. Масалан, овқат таркибида тушган оқсиллар 
аминокислоталаргача парчаланади ва аминокислоталар оксидланиб СО
2
ва Н
2
О гача 
парчаланади, бу жараѐн энергия ажралиши билан кузатилади. 
Анаболизм ва катаболизм жараѐнлари организмда динамик мувозанатда бўлади. 
Катаболизмдан анаболизмни устун туриши организмни ўсиш, тўқима массасини 
ортишига олиб келса, катаболик жараѐнлар устунлиги эса тўқима таркибини қисман 
бўлиш-бўлмаслиги инсон ѐшига (болаларда анаболизм устунлик қилади, катта ѐшдаги 
одамларда мувозанат ҳолат ва кексаларда катаболизм устунлиги кузатилади), соғломлик 
ҳолатига, организмни жисмоний ѐки психоэмоционал зўриқишига боғлиқ.