Noorganik kimyo kafedrasi analitik kimyo laboratoriya ishlanmalar

Analiz natijalarini hisoblash. Titrlash natijalari quyidagi formula yordamida hisoblanadi.

Bu yerda, N_NaOH - ishqorning normalligi; V_NaOH - ishqorning titrlashga sarflangan hajmi, ml; Э_HА - tekshiriladigan kislota ekvivalentining molyar massasi; V_k - tekshiriladigan eritmaning umumiy hajmi, ml; V_a - tekshiriladigan eritma alikvot qismining hajmi, ml.

Yuqori chastotali konduktometriyada
xarakteristik chiziqlarni tuzish
Xarakteristik egri chiziqlar yordamida yuqori chastotali titrlash egri chiziqlarining shaklini aniqlash, shu asosda titrlash uchun konsentratsiya tanlash mumkin. Odatda, bu usul egri chiziqlari V-simon, teskari V-simon, N-simon va M-simon shakllarda bo‘ladi. Ularning qay shaklda bo'lishi titrlanayotgan modda va titrantning konsentratsiyalariga, harorat va boshqa omillarga bog'liq. Konsentratsiya past bo'lganda V-simon titrlash egri chiziqlari hosil bo'ladi va, aksincha, yuqoriroq konsentratsiyalarda N-simondan tortib teskari V-simon shakllargacha titrlash egri chiziqlari kuzatiladi. Titrlash egri chiziqlari shaklining aniqlanadigan birikmaga bog'liqligi har xil moddalar uchun turlichadir. Binobarin, har bir konkret modda uchun alohida xarakteristik egri chiziq tuziladi va tegishli xulosalar qilinadi.
Xarakteristik egri chiziqlar tuzishning ikkita usuli mavjud. Birinchi usulda, dastavval, aniqlanadigan moddaning turli xil konsentratsiyali eritmalari tayyorlanadi. So‘ngra har bir eritmaning o‘tkazuvchanligi oichanadi. O'tkazuvchanlik konsentratsiyaga bog'liq bo'lganligi uchun bu bog'liqlikni chizma shaklida ifodalash mumkin. Bunday chizma xarakteristik egri chiziq deb yuritiladi. Shunday bog'liqlikni chizish bilan tegishli xulosa qilish mumkin. Biroq bu usul ko‘p mehnat va vaqt talab etadi. Ikkinchi usulda muayyan konsentratsiyali eritmaning o‘tkazuvchanligi oichanadi va shu eritma ketma-ket suyultirilib xarakteristik egri chiziq tuziladi. Quyida ikkinchi usul yordamida sulfat kislota eritmasining xarakteristik egri chizig'lni tuzishni ko‘ramiz.