Nókis qalası 2-sanlı kásip óner mektebinde Kompyuter sawatxanlıǵın asırıw boyınsha seminar bayanlamasi

Nókis qalası 2-sanlı kásip óner mektebinde Kompyuter sawatxanlıǵın asırıw boyınsha seminar
BAYANLAMASI

Nókis qalası “30” Dekabr 2021-jıl

Qatnasqanlar: Oqıw isleri botınsha director orınbasarı Q. Habibullaev Hayal qizlar shólkemi basshısı A.Bayekeeva, Manawiyat hám mafirat boyınsha director orınbasarı A.Ábdiqadirov, №2-sanlı Kásip óner mektebi pán oqıtıwshıları hám masterleri


KÚN TÁRTIBINDE

1. Oqıtıwshılardıń kompyuter swatqanlıǵın asırıw

2. “Bir million dástúrshi” baǵdarı boyınsha hárbir oqıtıwshını qatnastırıw
3. Oqıtıwshı hám islep shıǵarıwshı tálimi ustaları normativ hújjetlerdi dúziwde hám sabaq ótiwde axborot texnologiyalarinan paydalanıw.
TIŃLANDI:

Seminardı Informatika páni oqıtıwshısı Qoblanova Mexriban alıp bardı.

Búgingi operativ hám globallasıw dáwirinde joqarı programmist hám qánigeler tayarlaw sistemasın jáne de jetilistiriw, buǵan baylanıslıǵı islerdi jańa basqıshqa kóteriwdi talap qılıp atır.

Búgingi kún hám keleshegimizni informacion-kommunikaciya texnologiyaları hám de tarawdıń jetik kadrlarisiz kóz aldımızǵa keltiriwge bolmaydı.

Házirgi kúnde barlıq tálim oraylarında intalı jaslar IT (informatcion texnologiya) salasın tereń ózlestiriw hám programmalastırıw tiykarların jetilisken tárzde úyrenip barıwları ushın sharayatlar jaratılǵan.
Bul bolsa, keleshek áwladtıń informaciya texnologiyaları salasındaǵı sawatlı adamlıǵın jáne de asıwı ushın xızmet etedi.
BIR MILLION DASTURSHI BOYINSHA SEMINAR
2019 -jıldıń 21-noyabr kúni Tashkent qalasındaǵı Inha Universitetinde Úlken Jıynalıslar Zalında " Bir Million Ózbek Dastúrshileri" joybarın iske túsiriw dástúri bolıp ótti. Dástúrde Ózbekstan Respublikası Bas ministri Abdulla Aripov, Birlesken Arab Ámirlikleriniń húkimet hám keleshek jumısları boyınsha ministri Muhammad bin Abdulloh al-Qarqoviy, Birlesken Arab Ámirlikleri jasalma intellekt texnologiyaları ministri Umar bin Sultan al-Olama, Ózbekstanda Respublikası Xalıq Tálimi ministri Sherzod Shermatov, Ózbekstanda Respublikası Sırtqı sawda hám investitsiyalar ministri Sárdar Umurzoqov, Ózbekstan Informaciya texnologiyaları hám kommunikatsiyaların rawajlandırıw ministrligi wákilleri qatnastı. " Bir Million Ózbek Dastúrshileri" - " One Million Uzbek Coders" joybarı Birlesken Arab Ámirlikleri Dubai Zıyane Foundation fondı, Tashkent qalasındaǵı Inha universiteti hám IT-Park qasındaǵı IT-akademiya járdeminde bul joybar islengen.

Joybar maqseti, ózbek tilindegi onlayn platforma kursları arqalı ózbek jaslarına informaciya texnologiyaların úyretiw, jas programmistler jetistiriw bolıp tabıladı. Onlayn platformada 4 tálim baǵdarı boyınsha kurslar shólkemlestiriledi, bular :

1. Android programmalastırıw ;

2.Full-Stack Development;
3.Frontend Development;
4.Maǵlıwmatlar analizi.
Bul kurslarda oqıw 120 saattı dúziliwi joybarlastırılǵan bolıp, hár bir basqısh juwmaǵında oqıwshılar úy jumısları hám laboratoriya jumısların atqarıp, onlayn tapsıradı. hám bunda olarǵa arnawlı sertifikatlar tapsırıladı.

Onlayn kurslar 2012-jılda Amerikanıń Stenford Universiteti informaciya texnologiyaları, programmalastırıwdı keń rawajlandırıw ushın islengen Udacity kompaniyası oqıw kursları tiykarında shólkemlestiriledi. Yaǵnıy ondaǵı kurslar ózbek tiline awdarma etilgen boladı.

Bul onlayn kurslardı tabıslı tamamlaǵan oqıwshılar, Udacity platformasidagi basqa 100 den artıq Nanodegree programmalarında tálimdi dawam ettira aladı. Onıń ushın kurslardı tamamlaganınan keyin, juwmaqlawshı pitkeriw imtixanlarin tabıslı tapsırıwları hám ılajı bolǵanınsha joqarı ball toplawları kerek boladı. Eń joqarı ball toplaǵan 150 pitkeriwshige grantlar beriledi. Nanodegree programmaların tamamlaǵannan keyin, Udacity diplom tapsıradı. Nanodegree diplomları Amerikanıń Autodesk, Salesforce, Google, AT&T hám dúnyanıń basqa iri úlken kompaniyaları tárepinen tán alınadı hám pitkeriwshiler bilimlerine qaray jumısqa alınıwları múmkin.

Bul joybar birinshi bar Birlesken Arab Ámirliklerinde " One Million Arab Coders" atı astında iske túsirilgen edi. Ózbekstan Respublikası Prezidenti Shavkat Mirziyoyev 2019 -jıl mart ayında Birlesken Arab Ámirliklerine rásmiy saparı sheńberinde Ózbekstan Respublikası hám Birlesken Arab Ámirlikleri menen bir qansha tarawlarda sheriklik etiwge kelisip alınǵan edi. Sonnan sheriklik hám kelisimlerden biri " One Million Arab Coders" joybarın Ózbekstanda da jolǵa qoyıw boyınsha edi. Sol kelisimler tiykarında bul tálim platformasi iske túsirildi.

Soǵan uqsas joybar bunnan aldın dúnyanıń geypara mámleketleri, atap aytqanda, Belarus Respublikasında da jolǵa qoyılǵan edi.

Inhada bolıp ótken bul joybar ashılıw dástúri sheńberinde panel dodalanǵan.

QARAR ETEDI:

1. Kompyuter sawatxanlıǵı shólkemleri alıp barılsın.

2. “Bir million dástúrshi” baǵdarı boyınsha onlayn hám offlayn sabaqlar ótilsin.
Jıynalıs basshısı : M.Qoblanova
Хаtker: P.Orazbaeva