Nókis qalalıq xalıq bilimlendiriw bólimine qaraslı

123. Jumıs beriwshi:

a) jámáátlik shártnamaǵa kirmegen sociallıq-ekonomikalıq máseleler boyınsha qararlar qabıl etiwden aldın Kásiplik awqam komiteti menen aldınan kelisip alıw;

b) Kásiplik awqam komiteti talap etkende oǵan miynet hámde sociallıq-ekonomikalıq rawajlanıw menen baylanıslı máseleler boyınsha maǵlıwmatlar beriw;

v) Kásiplik awqam komitetiniń Ustavında belgilengen jumısın ámelge asırıw ushın onı xanalar, transport, orgtexnika, baylanıs, internetke baylanısıw quralları, kancelyariya zatları menen biypul támiyinlew minnetlemesin aladı.

124. Kásiplik awqam komiteti:

a) Mekteptiń sociallıq hám ekonomikalık rawajlanıw baǵdarlamalarınıń orınlanıwına kómeklesiw, bul boyınsha xızmetkerler baslaması hám dóretiwshiligin qollap-quwatlaw hám rawajlandırıw;

b) miynetke haqınıń tóleniwi, jámáátlik shártnama boyınsha qosımsha tólemler beriliwiniń durıslıǵın, sonday-aq miynetti qorǵaw hám texnika qáwipsizlik sharayatların jaqsılaw boyınsha ilajlardıń orınlanıwın qadaǵalaw;

v) miynet haqqındaǵı nızamlardıń orınlanıwın qadaǵalaw, xızmetkerlerdiń huqıqıy bilimin joqarılatıwǵa kómeklesiw;

g) kásiplik awqam aǵzalarınıń miynet etiw huqıqın qorǵaw;

d) jumıs orınlarında orın alǵan kemshiliklerdiń óz waqtında saplastırılıwına erisiw hám jumıs orınların miynetti qorǵaw, texnika qáwipsizligi hám óndiris sanitariyası qaǵıydaları talaplarına muwapıq jaǵdayǵa alıp keliw boyınsha jumıs beriwshi tárepinen tiyisli ilájlar kóriliwin talap etiw;

e) xızmetkerler hám olardıń shańaraq aǵzalarınıń dem alıwı hám sawalandırılıwı ushın xızmetkerlerdiń arzaların tiyisli sawalandırıw orınlarına jollamalar menen Ózbekstan kásiplik awkamları Federaciyası Keńesi tárepinen tastıyıqlanǵan normalar sheńberinde támiyinlew;

j) mektepte miynet hám turmıs sharayatları awhalınıń jámáátshilik qadaǵalawın shólkemlestiriw hám ámelge asırıw;

z) kásiplik awqam aǵzaları arasında miynet hám islep shıǵarıw tártibin bekkemlewge qaratılǵan túsindiriw hám shólkemlestiriw jumısların alıp barıw, kelispewshiliklerge alıp keliwshi jaǵdaylardıń aldın alıwǵa qaratılǵan ilajlar kóriw;

i) hár qıylı tańlawlar, sport jarısları jeńimpazların sıylıqlaw ushın xoshametlendiriwshi sawǵalar hám sıylıqlar shólkemlestiriw;

k) Ózbekstan kásiplik awqamları Federaciyasınıń «Ishonch», «Ishonch-Doveris» gazetalarına jazılıwdı támiyinlew minnetlemelerin aladı.

125. Is beriwshi Ózbekstan Respublikasınıń “Kásiplik awqamları haqqında”ǵı Nızamǵa muwapıq kásiplik awqamı organlarına saylanıp, islep shıǵarıwdan azat etilgen adamlarǵa olardıń wákillik múddetleri tamamlanǵannan keyin burınǵı yamasa oǵan teń jumıs ornı beriliwin támiyinlew, bunday jumıs bar bolmaǵan jaǵdayda usı mektepte yaki xızmetkerdiń razılıǵı menen basqa mektepte dáslepki jumısına teń jumıs (lawazım) beriu májbúriyatın aladı.

126. Tiykarǵı jumısınan azat etilmegen Miynetkeshlerdiń wákillerine jámáátshilik jumısların orınlaw ushın hár háptede háptelik is waqtınıń 30% ten kem bolmaǵan waqıt, sondayak kásiplik awkam jónelisi boyınsha qısqa múddetli oqıw ushın ortasha miynet haqısı saqlanǵan halda waqıt beriledi. (“Kásiplik awqamları haqqında”ǵı Nızamnıń 18-statyası)

127. Tiykarǵı jumısınan azat etilmegen Miynetkeshler wákillerine intizam jaza sharaların qollaw, olar menen Jumıs beriwshiniń baslaması menen miynet shártnamasın biykar etiw Ózbekstan Respublikasınıń Miynet kodeksinde, Ózbekstan Respublikasınıń “Kásiplik awqamları haqqında”ǵı Nızamında hámde Xalıqaralıq miynet shólkeminiń «Kárxanalarda miynetkeshler wákilleriniń huqıqların qorǵaw hám olarǵa beriletuǵın imkaniyatlar haqqında»ǵı 135-Konvenciyasında názerde tutılǵan sheklewlerge ámel etilgen halda ámelge asırıladı.

128. Mektepte Xalıqara miynet shólkeminiń “Birlespeler erkinligi hám kásiplik awqamlarına birlesiw xuqıqın qorǵaw haqqında”ǵı 8-sanlı Konvenciyasi talaplarına qatań boysınadı.