Nókis qalalıq xalıq bilimlendiriw bólimine qaraslı

XIII. MIYNET TARTÍSLARÍN SHESHIW
115. Kelisiwshi tárepler, sociallıq sherikshilik principlerin tán alǵan halda, jámáátlik shártnamanıń orınlanıw barısında payda bolǵan hár qanday tartıslardıń aldın alıw ilájların kóriwdi óz moynına aladı. Básekiler óz-ara isenim hám húrmet penen, Ózbekstan Respublikası nızam hújjetleri tiykarında sheshiledi.

116. Jeke tártiptegi miynet tartısları hám qarama-qarsılıqlar 6 aǵzalardan quralǵan (hár tárepten 3 ten) jumıs beriwshi hám kásiplik awqam komiteti tárepinen teńlik tiykarında usı Shártnamanıń ámel etiw múddetine dúziletuǵın miynet tartısları komissiyası tárepinen kórip shıǵıladı.

117. Miynet tartısları komissiyası óz jumıs háreketin nızam hújjetlerine hám Ózbekstan kásiplik awqamları Federaciyası Keńesi, Ózbekstan Respublikası Sawda –sanaat palatası tárepinen tastıyıqlanǵan (12.01.2015 j., 20-66 s, 15.01.2015 j. 01-SP), Bántlik hám miynet múnásibetleri ministrligi menen kelisilgen usınıslarǵa tiykarlanıp islep shıǵılǵan Qaǵıydaǵa muwapıq alıp baradı (7-qosımsha).