Nókis filialí 5311000 “Texnologiyalıq processler hám islep shıǵarıwdı avtomatlastırıw hám basqarıw”

OQIW TANISIW ÁMELIYATINIŃ MAQSETI HÁM WAZIYPALARI
Oqıw tanısıw ámeliyatınıń maqseti:

1. Joqarı maman qánigeler tayarlaw ;

2. Regionda ámeldegi islep shıǵarıw kárxanaları menen tanısıw ;

3. Ámeliyat ótkerilip atırǵan kárxananıń tiyisli tsexi hám bóliminde ámeldegi texnologiya, úskene hám úskenelerdi úyreniw arqalı institutda alınǵan teoriyalıq bilimlerdi bekkemlew;

4. Kafedra tárepinen berilgen tapsırma boyınsha zárúr materiallar toplawdan ibarat.

Oqıw tanısıw ámeliyatınıń wazıypası : studentlerdi zamanagóy islep shıǵarıwlar hám texnologiyalıq processler menen jetilisken tanıstırıwlardan ibarat.

Oqıw tanısıw ámeliyatın otaw processinde student kárxana ishki tártip-qaǵıydalarına boysınadı hám ámel etedi. Studentke sol múddetke instituttan ámeliyat basshısı tayınlanadı. Oqıw tanısıw ámeliyatı kárxana menen ulıwma halda tanısıwdan baslanadı. Bunda student kárxananıń tariyxı hám qayta qurılıs jolları, onıń házirgi kúndegi jaǵdayı, tiykarǵı texnologiyalardıń islewi, kárxanadaǵı miynetti qorǵaw jaǵdayı hám texnika qawipsizligi qaǵıydaları, tiykarǵı texnikalıq-ekonomikalıq kórsetkishler, islep shıǵarılıp atırǵan ónim túrleri hám olardıń kólemi, ónimniń xalıq xojalıǵında tutqan ornı sıyaqlı máseleler menen tolıq tanısadı. Ámeliyattı otaw dáwirinde teoriyalıq seminarlar alıp barıladı.