Nókis filialí 5311000 “Texnologiyalıq processler hám islep shıǵarıwdı avtomatlastırıw hám basqarıw”

OQIW TANISIW ÁMELIYATIN SHÓLKEMLESTIRIW TÁRTIBI
Oqıw tanısıw ámeliyatı baslanǵanǵa shekem kafedra tárepinen studentlerdi jıynalıs ótkerilip, ol jaǵdayda olar ámeliyattı ótkeriw múddeti, ámeliyat maqseti hám wazıypaları menen tanıstırıladı. Ámeliyat ótkeriw tártip qaǵıydaları, esabat jazıw hám kúndelikke qoyılatuǵın talaplar, esabatlardı qorǵaw waqıtı hám jayı tuwrısındaǵı maǵlıwmatlarǵa bólek áhmiyet beriledi.

Ámeliyat aldından student oqıw tanısıw ámeliyatınıń programması hám ótkeriw kalendar rejesin úyreniwi zárúr. Ámeliyat baslanıwınan aldın barlıq studentler bólme shólkemlestirilgen xızmeti qáwipsizligi hám texnika qawipsizligi jollaması tuwrısında lekciya tıńlawları kerek. Ámeliyat dáwirinde bolsa studentler islep shıǵarıw intizamın, miynet qáwipsizligi hám qawipsizlik texnika qaǵıydalarına qatań ámel qılıwları haqqında oqıw tanısıw ámeliyatı basshısı tárepinen túsindirilip jollamadan ótkeriliwi kerek. Kafedradan tayınlanǵan ámeliyat basshısı kárxanadan biriktirilgen ámeliyat basshısı menen birgelikte hár kúni studentlerge tikkeley máslahátlar, lekciya hám seminar shınıǵıwların ámelge asırıwları zárúr.

Ámeliyat basshısı hár bir studenttiń hújjetlerin rásmiylestiriwin tekserip baradı. Ámeliyat dáwirinde studentlerge islep shıǵarıw kárxanasınıń dúzilisi, islep shıǵarıw procesin rawajlanıwı hám taraqqiy etiwi tuwrısında lekciyalar shólkemlestiriledi. Oqıw-tanısıw ámeliyatın otaw dawamında tsexlar boylap sayaxat shólkemlestiriwde gruppalar 10-15 studentten bolıp, kishi gruppalarǵa bólinedi. Sayaxat dawamında texnologiyalıq sızılmalar hám tsex yamasa orınnıń ayriqsha qásiyetleri, tsextiń parametrleri hám ekonomikalıq kórsetkishleri tuwrısında studentler xabarlı etiledi.