Nizomiy nomli toshkent davlat pedagogika universiteti

Bolalar sog‘lig‘ini kundalik nazorati:

Guruhdagi bolalar sog‘lig‘ining holati haqida tarbiyachi daftarga qayd etib boradi. Pedagog bolalar bilan yakkama-yakka shug‘ullanishi uchun maxsus daftarga bola rivojlanishining ayrim sohalarida alohida e’tibor qilish lozim bo‘lgan bolalar haqida ma’lumot qayd etib boradi. Pedagog daftardagi ma’lumotlardan pedagogik maqsadlarni qo‘yish va bolaning rivojlanishiga xizmat qiladigan faoliyat tarzlarini rejalashtirishda foydalanishi mumkin.

Pedagog bolalar bolalar bilan ularning qiziqishlari bo‘yicha intervyu va suxbatlar o‘tkazib turadi. Bolalar kattalar bilan o‘z fikrlari, g‘oya va ishlari bo‘yicha gaplashishni hohlaydilar, bunday hollarda pedagog bolalarga samimiyat va hurmat bilan munosabatda bo‘lishi o‘zini qiziqtirgan mavzu bo‘yicha bolalar so‘zlarini tinglashi, ochiq savollar berishi, suxbatga undashi lozim. Bunday tadqiqotning maqsadi bolalarning xususiyatlari va ehtirojlari haqida ko‘proq bilishdan iborat.

Agar bola qisqa muddatli guruhlarda qatnashayotgan bo‘lsa pedagog tomonidan “Portfolio” – hujjatini tutadi. Bu bolaning qisqa muddatli guruhga kelganidan tortib, yakunlagunga qadar yutuqlari va ishlarini individual to‘plamidir. Portfoliodan rivojlanishning o‘z-o‘ziga baho berish vositasidan foydalanish, unga bolaning o‘z fikr-mulohazalarini aks ettirishga harakat qilib, so‘zlar va sonlarni yozishga urinishlarini, nutq namunalarini ham kiritish mumkin. Bundan tashqari ota-onalarning ruxsati bilan bola faoliyatini aks ettiradigan fotosuratlarni, og‘zaki nutqlari yozib olingan audio-disklarni tanlab olish mumkin. Bolalar ularga tegishli bo‘lgan portfolio ota-onalarga ko‘rsatilishi lozim.