Nizomiy nomidagi toshkent davlat pedagogika universiteti pedagogika fakulteti

Oliy nerv faoliyati- bosh miya katta yarim sharlari va unga yaqin qobiq osti bо‘limlarning faoliyati, ular butun organizmni ichki va tashqi olam bilan murakkab munosabatlarini meyorda kechishini va vaqtga bog‘liq ravishda qayta ishlash va tormozlash asosida organizmni tashqi olam sharoitlari bilan muntanosiblashuvini ta’minlaydi.

Gemiplegiya- tananing bir tomonini falajlanishi. Gemiplegiyaning tо‘liq bо‘lmagan darajasi gemiparez deb ataladi.

Genezis- kelib chiqishi.

Nutq mashqlari- logoped kо‘rsatmalari bо‘yicha nutq a’zolari uchun belgilangan mashqlar tizimi.

Giperakuziya- past, atrofdagilar uchun ahamiyatsiz tovushlarga sezgirlikning yuqoriligi. Sensor buzilishlarda kuzatiladi.

Giperkinez-haddan tashqari ixtiyorsiz harakatlar, bosh miya qobiq ostida paydo bо‘ladigan, bosh miya qobig‘ining organik va funsional buzilishlarida paydo bо‘ladigan keng qamrovli harakat buzilishlari. Harakat buzilishlari xarakteriga kо‘ra quyidagi buzilishlar farqlanadi:

1 ) atetoz- qо‘llarning, barmoqlarning va yuz muskullarining sekin, jimjimador, chuvalchangsifat harakatlari;

2) torzion distoniya- atetozga yaqin harakatlar, ammo, tana muskullarini ham qamrab oladi, odatda yotgan holatda ular yо‘qoladi;

3) xoreik giperkinez- muskullar tonusi pasayganda tananing turli qismlarida paydo bо‘luvchi bosimsiz, ritmsiz, tartibsiz, tarqalgan, tez harakatlar;

4) miokloniya- alohida yoki bir guruh muskullarning tez, tо‘lqinli klonik qmsqarishi;

5) muskullarni pir- pir uchishi- tez, ixtiyorsiz stereotip takrorlanuvchi harakatlar ma’lum guruh musullarda, kо‘pincha yuz muskullarida , kamroq bо‘yin, yelka qismida kuzatiladi( kо‘pincha kо‘z qovoqlarini uchishi, kо‘zlarni ochib –yumilishi, qoshlarni yuqoriga kо‘tarilishi, yelkani yuqoriga kо‘tarilishi va hakozo); muskullarni pir- pir uchishi ixtiyoriy harakatlarni buzmaydi;

6) titrash ( tremor) - butun tana yoi tananing bir qismini qamrab olgan majburiy tebranishli harakatlar.