Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Adabiyotlar ro’yxati: 
1
.Хondamir  G’iyosiddin.  Makorim  ul-axloq.  -  Т.:  Badiiy  adabiyot 
/Forschadan M.Faxridddinov, P.Shamsiyev tarjima-si. 1967. 
2.  Dono  Alisher.  Alisher  Navoiy  haqida  xalq  afsonalari.  –  Т.:  Yosh 
gvardiya, 1968.     
3.  Vosifiy.  Badoye’  ul-vaqoye’. /  Тarjimon  N.Norqulov.  -  Т.: Adabiyot va 
san’at,  1979.  
4.Jomiy.  Bahoriston  /  Forsiydan  Sh.Shomuhamedov  tarjimasi.  –  Т.: 

---

 
13 
Yozuvchi, 1997. 
5. Mallayev N.M. O’zbek adabiyoti tarixi. K.1. – Т.: O’qituvchi, 1976. 
6. O’zbek adabiyoti tarixi. Besh jildlik. J.2. – Т.: Fan,  1977.    
7. Hayitmetov A.  Navoiyxonlik suhbatlari. - Т.:  O’qituvchi, 1993.  
8.  Vohidov  R.,  Eshonqulov  H.  O’zbek  mumtoz  adabiyoti  tarixi.  -T.: 
O’zbekiston Yozuvchilar uyushmasi Adabiyot jamg’armasi, 2006.   
10. Haqqulov I. Navoiyga qaytish. -Т.: Fan, 2007.   
ALISHER NAVOIY HAYOТI VA ADABIY FAOLIYAТI. UNING 
O’RGANILISH ТARIХI 
  Alisher Navoiyning bolalik va yoshlik yillari. Alisher Navoiy 1441 yilning 
9-fevralida  Хurosonning  yirik  madaniy  markazlaridan  bo’lgan  Hirot  shahrining 
Bog’i  Davlatxona  deb  ataluvchi  hududida    zamonasining  nufuzli  va  ma’rifatli  
xonadonida dunyoga kelgan.  
Uning ota-onasi o’z davrining hurmatli kishilaridan, temuriylar xonadonining 
yaqinlaridan bo’lgan. Alisher Navoiyning otasi G’iyosiddin Muhammad el orasida 
«Kichkina  Bahodir»,  «Kichik  baxshi»  laqablari  bilan  nom  qozongan  edi.  U 
Hirotning  Chig’atoy  ulusidan  bo’lib,  temuriylar  saroyida  e’tiborli  shaxslardan 
hisoblangan.  Alisherning  onasi  Kobulning  amirzodalaridan  Shayx  Abu  Said 
Changning qizidir.  
Navoiyning  yoshlik  yillarida  Хurosonda  Amir  Тemurning  o’g’li  Shohruh 
Mirzo, Movarounnahrda Shohruhning o’g’li Ulug’bek hukmronlik qilar edilar.  
Alisherning  ota  tomonidan  bobosi  Amir  Тemurning  o’g’li  Umarshayx  bilan 
emikdosh  bo’lib,  Boyqaro  Mirzo  hukmronligi  davrida  Qandahorda  amir  bo’lgan. 
Demak, Alisherning ota-bobolari temuriylarning eng yaqin kishilaridan bo’lib, ular 
hokimiyatini  mustahkamlashga  yordam  berib  kelganlar,  ularning  hurmat  va 
ishonchini qozonganlar. Oradagi o’zaro yaqinlik va samimiy munosabatlar sababli 
temuriy  hukmdorlar  G’iyosiddin  Kichkina  oilasiga  ham  hurmat  va  ehtirom 
ko’rsatishgan.  
Alisher  Navoiy  bolaligidanoq  zehni  o’tkirligi,  tiyrakligi,  xush-fahmligi  bilan 
o’z  tengdoshlari  ichida  ajralib  turar  edi.  Alisherda  she’riyatga  muhabbat  juda 

---

 
14 
yoshligidan  uyg’ongan.  Buning  sababi  u  tug’ilib  o’sgan  xonadon  a’zolarining 
adabiyotga,  she’riyatga  ixlosmand  kishilar  bo’lganligi  bilan  ham  bevosita 
bog’liqdir.  Ular  xonadonida  she’riyat  muhlislari  tez-tez  yig’ilib  turar  va 
she’rxonlik, g’azalxonlik kechalari  bo’lib turar edi va shubhasiz yosh Alisher ham 
bunday  yig’inlarda  qatnashardi.    Alisherning  otasi  juda  ko’p  she’r  yod  bilar  va 
adabiy yig’inlarda faol ishtirok etar edi. Bu esa uning Kichik baxshi deyishlari ham 
bejiz emas ekanligini ko’rsatadi. 
Navoiyning  tog’alari  Mir  Sayyid  Kobuliy  va  Muhammad    Ali      G’aribiylar 
ham  o’z  davrining  she’riyat  sohasida  elga  tanilgan  kishilari  bo’lib,  Alisherning 
tarbiyasida ularning roli   katta   bo’lgan. Navoiy “Majolis un- nafois” tazkirasida 
tog’alari haqida hurmat va ehtirom bilan so’z yuritadi.      
Ota-onasi yosh Alisherning kitobga havasi kuchliligini nazarda tutib, uni to’rt 
yoshdan  sal  o’tganda  maktabga  beradilar.  Maktabda  u  bo’lajak  podshoh  Husayn 
Boyqaro bilan birga o’qiydi va tarbiyalanadi. Хondamir yozganidek Alisher «...oz 
vaqt  ichida  tengdosh  va  sheriklaridan  ilgarilab  ketadi.  Nozik  tab’ining  soflik  va 
sog’lomlik
 
ovozasi  olamga  yoyiladi  va  muborak  fikrining  dadilligi  haqida  so’zlar 
xalq orasida og’izdan-og’izga ko’chib yuradi»
1
. 
Mamlakat  hukmdori  Shohruh  Mirzoning  o’limi  (1447)  temuriy  shahzodalar 
o’rtasidagi  o’zaro  kurashlar  kuchayishiga  olib  keldi.  Хuroson  va  uning  markazi 
Hirotda tartibsizliklar avj olishi natijasida xalq  shaharni tashlab keta boshlaydi. 
G’iyosiddin  Kichkina  oilasi  ham  ma’lum  muddatga  shahardan  ketishga 
majbur  bo’ladi.  Karvon  Iroqqa  yo’l  oladi.  Тaft  shahriga  yetganda,  yosh  Alisher 
tasodifan o’z davrining yirik tarixchisi, Sharafiddin Ali Yazdiy bilan uchrashadi va 
o’zining ziyrakligi bilan  keksa olim diqqatini o’ziga jalb qiladi. 
1452 yilga kelib, Хurosonda bo’layotgan o’zaro janjallar birmuncha pasayadi 
va    Хuroson  taxtiga  Abulqosim  Bobir  o’tiradi.  Alisherlar  oilasi  ham  besh  yildan 
keyin  Hirotga  qaytadi.  G’iyosiddin  Kichkina  Abulqosim  Bobir saroyiga xizmatga 
kiradi,  u Sabzavor hokimi qilib tayinlanadi.  
                                                           
1
 Хондамир. Макорим ул-ахлоқ. – Т.: Бадиий адабиёт, 1967, 29-30 б.  

---

 
15 
Alisherning  maktab  tahsili,  bolalik  qiziqishlari  haqida  o’z  asarlarida 
ma’lumotlar  berib  o’tilgan.  Maktabda  u  Qur’oni  Karim  mutolasidan  so’ng  fors-
tojik shoirlari ijodini ham sevib o’qiy boshlagan. «Lison ut-tayyor» dostonida shoir 
o’zining  maktab  yillarini  tasvirlar  ekan,  Shayx  Sa’diyning  «Guliston»  va 
«Bo’ston»  asarlarini  sevib  o’qiganini,  ayniqsa,  Farididdin  Attorning  «Mantiq  ut-
tayr»  dostoniga  mehri  o’zgacha  bo’lganligini,  qayta-qayta  o’qishi  natijasida  bu 
dostonni      yod  olganligini  keltiradi
1
.  Bu  esa  bo’lajak  shoirning  she’riyatga, 
xususan, Attor ijodiga mehr-muhabbati va ixlosi katta ekanligini namoyon etadi.   
Navoiy otasi  vafot etgach, taxminan o’n ikki yasharligida Хuroson podshohi 
Abulqosim  Bobir  xizmatiga  kiradi.  Bu  vaqtda  Sulton  Husayn  ham    Abulqosim 
Bobir saroyida xizmatda edi. 
Ablqosim  Bobir  adabiyot  va  san’atga  ixlosmand,  turkiy  va  forsiy  tillarida 
she’rlar yozadigan ijodkor edi. Shuning uchun ham u  shoirlarni munosib taqdirlar, 
ijod  ahliga  hurmat  bilan  munosabatda  bo’lar  va  qo’llab  quvvatlar  edi.  Ablqosim 
Bobir  yosh  Navoiyning  bilimini,  shoirlik  iqtidorini  ko’rib  unga  alohida  e’tibor  
beradi. 
Yoshligidan  Nizomiy  Ganjaviy,  Muslihiddin  Sa’diy,  Farididdin  Attor 
asarlarini  o’qigan,  Qosim  Anvor  g’azallarini  yod  olgan  Alisher,  ular  asarlaridan 
ta’sirlanib,  ilhom  olib,  o’zi  ham  she’rlar  yoza  boshlaydi.  Navoiyshunoslikda 
Alisherning  qachondan  boshlab  badiiy  ijod  bilan  shug’ullana    boshlagani  haqida 
xilma-xil  qarashlar  bor.    Bu  haqdagi  aniq  ma’lumotlarni  biz  shoirning  o’z 
asarlaridan  bilib  olishimiz  mumkin.  Uning  «Badoye’  ul-bidoya»,  «Хazoyin  ul-
maoniy» devonlariga yozgan debochalarida va «Munshaot»ga kirgan xatlarida juda 
yoshligidan  she’riyatga  oshno  bo’lganini  ta’kidlab  o’tadi,    «G’aroyib  us-sig’ar» 
devoniga 
«yetti-sekkiz  yoshtin  yigirma  yoshqacha»  bitilgan  g’azallari 
to’planganini aytadi. 
O’n  besh  yoshlarida  Alisher  Navoiy  ikki  tilda  ijod  qiluvchi    «zullisonayn» 
shoir sifatida taniladi  va u o’z davrining yetuk shoirlari diqqatini torta boshlaydi. 
                                                           
1
 Бу ҳақда қаранг: Алишер Навоий. Мукаммал асарлар тўплами. 20 томлик. Т.12.  - Т.: Фан, 1996    

---

 
16 
Тarixchi Хondamirning xabar berishiga ko’ra, Alisher Navoiy yigitlik yillaridayoq, 
Lutfiyning yuqori bahosi va tahsiniga sazovor bo’lgan. 
Orazin yopqoch, ko’zimdin sochilur har lahza yosh,  
Bo’ylakim, paydo bo’lur yulduz nihon bo’lg’och quyosh. 
 
Mazkur  g’azalning yuksak  badiiy  mahorat  namunasi  ekanligini  tan  olgan 
Lutfiy  mubolag’a  bo’lsa-da,  «agar  muyassar  bo’lsa  edi,  o’zimning  o’n-o’n  ikki 
ming  forsiy    va  turkiy    baytimni    shu  g’azalga    almashtirardim        va    bu  ishning 
yuzaga   chiqishini   zo’r   muvaffaqiyat   hisoblardim»,— deb   baholaydi
1
.  
Navoiyning  yigitlik  yillarida  hayotida  muhim  rol    shaxslardan  biri  Sayyid 
Hasan Ardasher edi. G’oyatda yetuk iste’dod va qobiliyat egasi ekanligini ko’rgan 
Sayyid  Hasan  Ardasher  uni  moddiy  va  ma’naviy  jihatdan  qo’llab-quvvatlagan. 
Navoiy asarlarida Sayyid Hasan Ardasher nomi hurmat bilan tilga olinadi, o’zining 
shoir  sifatida  kamol  topishida  bu  ulug’  siymoning  xizmati  katta  ekanini  cheksiz 
mamnuniyat  bilan  bayon  etadi.  Sayyid  Hasan  Ardasher  vafot  etgach,  shoir  unga 
maxsus asar bag’ishlagan. 
1456 yilda Abulqosim Bobir o’z saltanatini Mashhadga ko’chirganida  Alisher 
Navoiy  va  Husayn  Boyqaro  ham  u  bilan  birga  boradilar.  1457  yilning  bahorida 
Abulqosim Bobir vafotidan keyin yana o’zaro taxt talashishlar boshlanadi. Husayn 
Boyqaro ham hokimiyatga erishish uchun  o’zaro kurashlarga qo’shilib ketadi. Ali-
sher  Navoiy  esa  Mashhad  madrasalarida  tahsilni  davom  ettiradi.  Uning  kelajakda 
ulug’ ijodkor bo’lib yetishishida bu tahsillarning o’rni katta bo’lgan.  
Bu  paytda  Alisher  Navoiy  Mashhadning  bir  qator  ko’zga  ko’ringan  olim  va 
fozillari bilan  tanishib, do’stlashadi. Navoiyning Shayx Kamol Тurbatiy, Pahlavon 
Muhammadlar bilan bo’lgan samimiy munosabati bunga misol bo’la oladi. 
U Mashhadda Firdavsiy, Nizomiy, Хusrav Dehlaviy, Хoja Hofiz Sheroziy, o’z 
zamondoshlari  Atoyi,  Sakkokiy,  Lutfiy,  Jomiy  asarlarini  mutolaa  qildi,    ulardan 
mahorat sirlarini o’rgandi va o’zi ham ijod bilan mashg’ul bo’ldi.  
Alisher  Navoiy  Mashhadda  paytida  ona  shahri  Hirotga  qaytish  orzusi  bilan 
yashaydi.  U  Hirotga qaytgach, otasidan qolgan meros bilan yashashga, ijodiy ish 
                                                           
1
 Хондамир. Макорим ул-ахлоқ (Яхши хулқлар) / Форсчадан М.Фахриддинов, П.Шамсиев таржимаси. – Т.: 
Адабиёт ва санъат, 1967, 45-46 б.    

---

 
17 
bilan  shug’ullanishni  niyat  qiladi.  Shoir  shaharga  kelganida  (1464)  Хuroson 
hukmdori  Abu  Said  Mirzo  Alisherning  ota-onasiga  tegishli  mol-mulk  musodara 
qilgan bo’lib, oqibatda  yosh shoir moddiy jihatdan qiyin ahvolda qoladi.  
Alisher  Navoiyning  yoshlikdagi  do’sti,  maktabdoshi  Husayn  Boyqaro  bu 
vaqtlarga kelganda ma’lum kuchga ega bo’lgan, Abusaidga qarshi ochiq kurashga 
shaylangan  edi.  Shuningdek,  Navoiyning  tog’alari  —  Mir  Sayyd  Kobuliy  va 
Muhammad Ali G’aribiylar Boyqaro qo’shini safida shahid bo’ladilar.  
Ulug’ fors-tojik shoiri Abdurahmon Jomiy bilan  uchrashib, u bilan yaqindan 
tanishish  Alisher  Navoiy  hayotida  bir  umrga  katta  ahamiyat  kasb  etdi.  Bu  vaqtda 
Abdurahmon  Jomiy  ustozi  Sa’diddin  Qoshg’ariy  mozori  yaqinida  bir  kichkina 
hovlichada  istiqomat  qilardi.  Ulug’  shayxni  mamlakat  hukmdoridan  tortib,  oddiy 
xalq  vakillarigacha  ziyorat  qilib  turishardi.  Navoiy  ham  ustozi  bilan  shu  yerda 
tanishish  baxtiga  musharraf  bo’ladi.  Navoiy  va  Abdurahmon  Jomiyning  ilk 
uchrashuvi qaysi paytda ro’y bergani  navoiyshunoslikdagi bahsli masalalardandir.