Nizomiy nomidagi toshkent davlat pedagogika universiteti arxeologiyadan izohli lug

Burj – qal’a devorlari tashqi burchaklariga ishlangan minorasimon qurilma.
Buxoro shahri – mil. avv. V asrda qishloq tarzida vujudga kelgan. Mil. avv. III asrda mudofaa devoriga ega bo‘lgan qal’aga aylangan. Bu davrda qal’a taxminan 20 gektar hududni, arki 2 gektar hududni egallagan. Milodiy asrning boshlarida Buxoro shahri Numidjkat deb nomlangan. Tadqiqotchilar uni “mij–kath”, ya’ni “mustahkamlangan qishloq” deb izoh beradilar. Numidjkat g‘arbiy Sug‘diyonaning markaziy shahri bo‘lgan. Mil. avv. II asrning o‘rtalarda Yunon-Baqtriya davlati yemirilgach, bu yerni sak–yuechji qabilalari egallagan.
Milodiy II–III asrning boshlarida markaziy shahar Numidjkatdan Navakmitan qal’asiga ko‘chiriladi. Bugungi kungacha uning baland qismi saqlanib qolgan. Tadqiqotchilar fikricha, Numidjkat hukmdorlarining ikkinchi qarorgohi Navakmitan bo‘lgan. Navakmitan milodiy III asrlardan g‘arbiy Sug‘diyonaning markaziy shahriga aylangan. Qadimiy shahar atrofi aholi tomonidan qabristonga aylantirilgan. Shu sabab yodgorlikka ikkinchi nom – “Hazrat Qiz Bibitepa” deb berilgan.