Низомий номидаги тошкент давлат педагогика университети ф. И.Ҳайдаров Н. С. Жўраев психология тарихи

Ижтимоий психолог. Кичик гуруҳлар ва жамоалар ривожланиши ва психологиясини ўрганади

Мактаб психологи. Муваффақиятли ўқишга халақит берувчи омилларни диагностика қилади.	Зоопсихолог. Олий тоифали ҳайвонлар хулқ-атворини ўрганади.
Эко-психолог. Инсон эҳтиёжларига мос тарзда турар жойлар ва биноларни лойиҳалаштиришга ёрдам беради.	Саломатлик психологияси бўйича мутахассис. Психогигиена ва психопрофилактика, турмуш даражасини ошириш масалалари билан шуғулланади.

Жадвалдан кўриниб турибдики, Америкада ҳам, Россияда ҳам деярли бир хил психологиянинг тармоқлари мавжуд ва улар ўша жамиятнинг муаммоларидаги умумийликдан келиб чиқади. Бироқ айрим тармоқлардаги психолог мутахассиснинг бажарадиган ишлари ва мавқеида тафовутлар ва фарқлар мавжуд. Ўзбекистонда ҳам мустақиллик йилларида инсон омилига берилаётган эътибор туфайли психология фани ўз ютуқларини ҳалқ хўжалигининг деярли барча тармоқларига жорий этиш имконияти туғилди. Шу боис ҳам бугунги кунда мактаб психологи, саломатлик психологини тайёрлаш, реклама ва маркетинг соҳаси, бошқарув ва ишлаб чиқаришни ташкил этиш борасида фаннинг амалиётга аралашуви жараёни тезлашди. Олий ўқув юртларида тайёрланаётган психолог кадрларнинг асосий сифат белгиси ҳам уларнинг амалиётда ўз билимларини татбиқ эта олиш малакаси билан аниқланмоқда. Демак, ХХI аср психологияси ўзининг татбиқий характери билан ажралиб туради ва унинг тармоқлари ривожи ва самарадорлиги илмий ва назарий билимларни нечоғли халқ хўжалигининг турли тармоқларига жорий этилиши билан изоҳланади.

Буюк психологлар ва улар илгари сурган ²оялар ҳақида қисқача маълумот.

1. 
   ОЛПОРТ ГОРДОН УИЛЛАРД ( 1897- 1967 )
   

Америкалик психолог. 1897 йилда врачлар оиласида туғилди. Шахсни ўрганишга тизимли ёндошиш назариясининг асосчиси. Шахс назариясини «Мен» ва «ўз-ўзини англаш» тушунчаларига асосланган ҳолда ишлаб чиққан «Ўз-ўзини актуаллаш» назарияси шахснинг англанган ва ҳаётида муҳим нарсага интилишини билдиради. Биологик эҳтиёждан келиб чиқадиган мотивлар қондирилганда биологик асосга бўйсунмайдиган характер касб этиши мумкин (мотивларнинг функционал автономлашиш принципи).