Низоми тошкент 2021 йил

19. Департаментнинг “Аудит услубиёти ва аудиторлик ташкилотлари иши сифатини ташқи назоратдан ўтказиш” бўлими бош иқтисодчисининг функционал вазифасига қуйидагилар киради:
Бўлим бошлиғи томонидан департамент Низомига мувофиқ юклатилган функциялар ижросини таъминлаш;
аудиторлик ташкилотлари ва малака сертификатига эга бўлган аудиторларнинг реестрини юритиш;
аудиторлик ташкилотлари иши сифатини ташқи назоратдан ўтказишда белгиланган муддат доирасида иштирок этади;
аудиторлик ташкилотлари томонидан тақдим этилган аудиторлик фаолияти тўғрисидаги маълумотларни йиғиш ва қайта ишлаш;
аудиторлик фаолиятини амалга ошириш ҳуқуқига эга бўлган аудиторлик ташкилотлари ва малака сертификатига эга бўлган аудиторларнинг реестри тўғрисидаги маълумотларни Молия вазирлигининг веб-сайтида жойлаштиришни ташкил этиш;
хўжалик юритувчи субъектларга аудиторлик текширувини ташкил этиш бўйича бўлим ваколатига доир масалалар бўйича шархлар, тушунтиришлар ва расмий хулосалар тайёрлаш ҳамда Молия вазирлиги таркибий бўлинмаларига бўлим ваколатига доир масалалар юзасидан маслаҳат ёрдамини бериш;
аудиторлик ташкилотлари, аудиторлар ва малака сертификатини олиш учун талабгорларга бўлим ваколатига доир масалалар бўйича маслаҳат ёрдамини бериш;
аудиторлик ташкилотлари иши сифатини текширишда аниқланаётган тизимли ва характерли қоидабузарликларни таҳлил қилади ва уларни содир этиш шарт-шароитларини бартараф қилиш юзасидан тегишли таклифлар тайёрлаб бўлим бошлиғига киритади;
риск даражасини баҳолаш натижаларига асосан мувофиқ риск даражаси тўғрисида аудиторлик ташкилотларини почта ёки электрон манзили орқали хабардор қилади;
Молия вазирлиги таркибий бўлинмалари томонидан тайёрланган номатив ҳужжатлар лойиҳаларини кўриб чиқишда, бўлим ваколати доирасида қонун ҳужжатлари бўйича таклифларни тайёрлашда иштирок этади.
20. Департаментнинг “Молиявий ҳисоботнинг халқаро стандартларини жорий этишни мувофиқлаштириш ва эълон қилинадиган молиявий ҳисоботлар сифатининг ташқи назорати” бўлими бошлиғининг функционал вазифасига қуйидагилар киради:
бухгалтерия ҳисобининг хуқуқий асосларини билиш ва уларни такомиллаштириб бориш юзасидан доимий равишда таклифлар тайёрлаш;
Молиявий ҳисоботнинг халқаро стандартлари (кейинги ўринларда МҲХС деб юритилади) жорий этилишини, шу жумладан тадбиркорлик субъектлари томонидан молиявий ҳисоботлар МҲХС асосида ўз вақтида эълон қилинишини мониторинг қилиш;
МҲХС соҳасида мутахассисларни тайёрлаш бўйича жаҳоннинг муваффақиятли тажрибаларини оммалаштириш;
МҲХС асосида тайёрланган ва эълон қилинган молиявий ҳисоботлар сифатини қонун ҳужжатларида белгиланган тартибда ташқи назоратдан ўтказиш;
Бўлимнинг иш жараёни самарадорлигини ошириш ва натижавийлигини таъминлаш бўйича тизимли чора-тадбирларни амалга ошириш;
Доимий равишда жамоатчилик ва мутахасислар олдида чиқишлар қилиш ва оммавий ахборот воситаларига интервьюлар бериш;
Tалабчанлик, конструктив танқид қилишни билиш, ҳамкасблар фикрини инобатга олиш, манфаатлар тўқнашувини келтириб чиқарадиган муаммоли вазиятларни ўз вақтида аниқлаш ва ҳал қилиш;
Лавозимга юклатилган бошқа вазифаларни бажариш. соҳага оид маълумотлар базасини тузиш, унинг доимий янгиланиб борилиши устидан тизимли мониторингини ташкил этиш, ҳисоботларини тузиш ва уларнинг очиқлигини таъминлаш бўйича чора-тадбирларни амалга ошириш.
21. Департаментнинг “Молиявий ҳисоботнинг халқаро стандартларини жорий этишни мувофиқлаштириш ва эълон қилинадиган молиявий ҳисоботлар сифатининг ташқи назорати” бўлим бошлиғи ўринбосарининг функционал вазифасига қуйидагилар киради:
Молиявий ҳисоботнинг халқаро стандартларини жорий этишга оид норматив-ҳуқуқий ҳужжатларни ишлаб чиқиш ва тайёрлашда қатнашиш;
Молиявий ҳисоботнинг халқаро стандартларини қўллаш услубиётининг хуқуқий асосларини такомиллаштириб бориш юзасидан доимий равишда тавсиялар тайёрлаб бориш;
Молиявий ҳисоботнинг халқаро стандартларини қўллашга доир муаммоларни аниқлаш ва уларнинг амалиётда қўлланишини тизимли равишда ўрганиб бориш;
Молиявий ҳисоботнинг халқаро стандартларини жорий этиш масалалари бўйича расмий хулосалар, тушунтиришлар ва изоҳлар тайёрлаш, ҳамда улар бўйича маслаҳатлар бериш ва услубий ёрдамлар кўрсатиш;
Молиявий ҳисоботнинг халқаро стандартлари асосида эълон қилинган молиявий ҳисоботлар сифатининг ташқи назоратини ташкил этиш ва тегишли норматив-ҳуқуқий ҳужжатларни ишлаб чиқиш;
Бухгалтерия ҳисоби ва аудит саҳосидаги халқаро профессионал ташкилотлар, республика жамоат бирлашмалари, ҳамда олий ўқув юртлари билан ўтказиладиган конференция, семинар ва давра суҳбатларида иштирок этиш ва маърузалар қилиш;
Бўлим иш фаолиятини ташкиллаштириш ва мувофиқлаштиришга кўмаклашиш ҳамда юклатилган вазифа ва функцияларни сифатли бажарилишини таъминлаш;
Зарурий ҳолларда жамоатчилик олдида чиқишлар қилиш ва оммавий ахборот воситаларига интервюлар бериш;
Tалабчанлик, конструктив танқид қилишни билиш, ҳамкасблар фикрини инобатга олиш, манфаатлар тўқнашувини келтириб чиқарадиган муаммоли вазиятларни ўз вақтида аниқлаш ва ҳал қилиш;
Малакасини доимий равишда ошириб бориш ва ўз фаолиятини самарали ташкил этиш.
22. Департаментнинг “Молиявий ҳисоботнинг халқаро стандартларини жорий этишни мувофиқлаштириш ва эълон қилинадиган молиявий ҳисоботлар сифатининг ташқи назорати” бўлими бош иқтисодчисининг функционал вазифасига қуйидагилар киради:
Бўлим бошлиғи томонидан юклатилган функциялар ижросини таъминлаш;
Молиявий ҳисоботнинг халқаро стандартларини жорий этиш масалалари бўйича расмий хулоса ва тушунтириш лойиҳаларини тайёрлаш;
Молиявий ҳисоботнинг халқаро стандартларини жорий этиш масалалари бўйича тадбиркорлик субъектларига маслаҳатлар бериш ва услубий ёрдамлар кўрсатиш;
Молиявий ҳисоботнинг халқаро стандартларини жорий этиш ва уларни мувофиқлаштириш, ҳамда эълон қилинган молиявий ҳисоботлар сифатининг ташқи назорати билан боғлиқ бўлган услубий кўрсатмалар ва таҳлилий маълумотларни Молия вазирлигининг веб-сайтида эълон қилиш учун тайёрлаш;
Молиявий ҳисоботнинг халқаро стандартларига асосан тайёрланган ва эълон қилинган молиявий ҳисоботларда аниқланган тизимли ва характерли қоидабузарликларни таҳлил қилиш ва уларни бартараф қилиш юзасидан тегишли таклифлар тайёрлаш;
Бухгалтерия ҳисоби саҳосидаги халқаро профессионал ташкилотлар ва республика жамоат бирлашмалари, ҳамда олий ўқув юртлари билан ўтказиладиган конференция, семинар ва давра суҳбатларида иштирок этиш ва уларда чиқишлар қилиш;
Малакасини доимий равишда ошириб бориш ва фаолиятини самарали ташкил этиш;
Бўлим фаолиятидан келиб чиқиб бош иқтисодчига юклатилган барча вазифа ва функцияларнинг сифатли бажарилишини таъминлаш;
Молия вазирлиги таркибий бўлинмалари томонидан тайёрланган номатив ҳужжатлар лойиҳаларини кўриб чиқишда, бўлим ваколати доирасида қонун ҳужжатлари бўйича таклифларни тайёрлашда иштирок этиш.

VI БОБ. ДЕПАРТАМЕНТ ФАОЛИЯТИНИ ТАШКИЛ ЭТИШ