Nisbiy sifatlarning yasalishi صفتِنسبي

Leksik izoh
1. Vaqtning ma’lum bir bo‘lagini yillarda ifodalash kerak bo‘lsa, سال [sāl] so‘zi, vaqtning miqdorini bildiruvchi son bilan qo‘shilib bitishuvli birikma hosil qiladi. Bunda sana oldin keladi, سال [sāl] so‘zi esa keyin keladi.
دوسال [do sāl]- ikki yil, صدسال [sad sāl]- yuz yil.
Yillarni sana bo‘yicha ifodalashda sonlar سال [sāl] so‘ziga izofa orqali bog‘lanadilar. Albatta سال so‘zi aniqlanmish o‘rnida bo‘ladi;
سالهزارونهصدونودونه [sāl-e hezār-o-noh-sad-o navad-o noh]- 1999 yil.
مندرسالهزارونهصدوپنجاهودومتولّدشدهام. [man dar sāl-e hezār-o nohsad-o panjāh-o do motavallod šode-am] – Men 1952 yili tug‘ilganman.
2. Yoshning ifodalanishi. Fors tilida yoshni ifodalash uchun quyidagi usullardan foydalaniladi.
a) داشتن [dāštan]- ega bo‘lmoq, bor bo‘lmoq fe’li orqali, داشتن fe’li kerakli zamon, shaxs va sonda turadi.
منهيجدهسالدارم. [man hejdah sāl dāram] – Men o‘n sakkiz yoshdaman.
عمويمچهلسالداشت. [amuyam čehel sāl dāšt] – Amakim qirq yoshda edi.
b) Ot-kesimاست bog‘lamasi yoki بودن [budan]- bo‘lmoq fe’li (zamoniga muvofiq) orqali ifodalanadi. بودن fe’li o‘tgan zamon, III shaxs birlik shaklda, است bog‘lamasi ham III shaxs birlik shaklda turadi. Sāl so‘ziga esa egalik qo‘shimchalari qo‘shiladi.
هيخده سالم است. [hejdah sālam ast]-18 yoshdaman.
هيجدهسالتاست. [hejdah sālat ast]-18 yoshdasan.
چهلسالشبود. [čehel sālaš bud]- U 40 yoshda edi.
Xuddi shunday iboralarni شدن [šodan] va تمامشدن [tamām šodan] fe’llari yordamida ham tuzish mumkin.
بيستسالمشد. [bist sālam šod]- 20 yoshga kirdim.
سيسالتشد. [si sālat šod]- 30 yoshga kirding.
هيجدهسالمتمامشد. [hejdah sālam tamām šod]- Men o‘n sakkiz yoshga to‘ldim.
بيستوپنجسالشتمامشد. [bist-o panj sālam tamām šod]- U yigirma besh yoshga to‘ldi.
c) Yoshni ifodalovchi سال [sāl] so‘ziga “ه”–e tovushi qo‘shilsa, “yashar”, “yoshli” yoki “yillik” ma’nolarini ifodalaydi.
پنجساله→ پنجسال [panj sāle] - besh yashar, besh yoshli, besh yillik.
دوستم،دخترپنجسالهدارد. [dustam doxtar-e panj sāle dārad]- Do‘stimning besh yashar (besh yoshli) qizi bor.
ايندرختخرما،پنجسالهاست. [in deraxt-e xormā panj sāle ast] - Bu besh yillik xurmo daraxtidir.