Ning “ 8-mart xalqaro xotin-qizlar bayrami” ga bag’ishlab o’tkazilgan tadbir “ayol go‘zalligi olamni bezar”

Telegram: Maktablar uchun hujjatlar

____________ tumani xalq ta’limi bo’limi

__-umumiy o’rta ta’lim maktabi ____________________ sinf o’qituvchisi

______________________ning

“ 8-mart xalqaro xotin-qizlar bayrami” ga bag’ishlab o’tkazilgan tadbir

“AYOL GO‘ZALLIGI  OLAMNI BEZAR”

8 mart xalqaro Xotin-qizlar bayramiga bag‘ishlangan tadbir ishlanmasi

Sahna bayram ruhiyatiga mos qilib bezatilgan. Magnit tasmasida bahor valsi kuyi eshitilib turibdi. Davraga boshlovchilar kirib keladi.

1-boshlovchi: Lola, gullar barq urib, bog‘ ichra xandon ushbu kun

Chehralar gulgun ochilgan, sho‘x xiromon ushbu kun.

Sayramoqda bog‘ aro bulbul, yayrab sho‘x kuylarin,

Nur sochib keldi bahor, mohitabon ushbu kun.

2-boshlovchi: Assalomu alaykum aziz ustozlar, qadrli ayollar, muhtarama onaxonlar, dilbar singillar, o‘lkamizga o‘zining go‘zal tarovati bilan, chiroyi bilan bahor fasli kirib keldi, odamda bahor faslini ayollarga qiyoslashadi. Bu judayam haqli o‘xshatish.

1-boshlovchi: Ha azizlar bugun diyorimizda bahor va ayollar bayrami. Barcha yurtimiz ayollarini, onaxonlarimizni, ulug‘ ayyom bilan samimiy qutlaymiz. Oilalaringizga tinch-totuvlik, ro‘zg‘oringizga qut-baraka, dasturxoningizga to‘kin-sochinlik tilaymiz.

1-boshlovchi:Ona ulug‘ zot, ona mo‘‘tabar. Aziz va munis ustozlarimiz bugungi bayram bilan tabriklash uchun so‘z institut rektori, psixologiya fanlari nomzodi F.Ro‘ziqulovga.

2-boshlovchi: Onaxonlarimiz, ayollarimiz, qizlarimiz doimo go‘zal, quvnoq, dilbar va iboli bo‘lib yurishlariga tilakdoshmiz. Bugungi bayram tadbirida ijro etiladigan kuy va qo‘shiqlar, jozibali raqslar, she’rlar sizlar uchun yangraydi aziz ayollar.

1-boshlovchi: Dunyoda ne dilbar erur, desam derman ayol qalbi

Dilni erkalovchi dilbar, bilmasang bil ayol qalbi

Toqqa intilib netarsan, cho‘qqisini ko‘rayin deb

YUksaklikda baland tog‘dan alik olar ayol qalbi

2-boshlovchi: She’r. "Bahor” tarix kurs tinglovchilari

1-boshlovchi: Boshlang‘ich ta’lim kursi tinglovchilari tomonidan sahna ko‘rinishi.

2-boshlovchi: Qadimlardan qirqta joni bo‘lgan ayol,

Jannatlarning shavkat-shoni bo‘lgan ayol,

Eng ulug‘ xonlarning xoni bo‘lgan ayol

Qirqta joningizga boylanib sizning

Qirq birinchi joningizga aylanay sizning

1-boshlovchi: YUraklarda qaynoq mehr undirasiz,

Uyimizni o‘g‘il-qizga to‘ldirasiz.

Yo‘qni yo‘yib, borini xo‘p do‘ndirasiz,

Qirqta joningizga boylanay sizning

Qirq birinchi joningizga aylanay sizning

2-boshlovchi: Tarix kursi tinglovchisi ijrosida "Ona” monologi.

1-boshlovchi: Aziz onajonlar, dilbar singillar,

Ayollar orzungiz, bugun ushalsin

Toshlardan yursangiz, ko‘karsin gullar

Qutlug‘ poyingizga jambul to‘shalsin.

2-boshlovchi: Onalar bor, olam qo‘shiq qonadir

Onalarni maqtasa dil quvonadir

Farzand uchun kim quvonib, yonadir

Onadir ul, onadir ul, onadir.

1-boshlovchi:Onajonlarimizni, ayollarimizni tabriklash uchun so‘z ona tili va adabiyoti kursi tinglovchilariga

2boshlovchi: Ayolni adroqla, ko‘zlaringga surt,

Uning ul pokiza barmoqlarini,

Ayolni ardoqla ko‘z yoshdan arit

Xudo yorlaqagan yonoqlarini.

1-boshlovchi: Ayol haqida she’r boshlang‘ich ta’lim kursi tinglovchilari tomonidan

2-boshlovchi: Qo‘shiq: "Onajon” maktabgacha ta’lim kurs tinglovchilari ishtirokida

1-boshlovchi: Bugun o‘zgachadur jilvai olam,

Bugun o‘zgachadur borliqda xanda.

Bugun ko‘zlarimga go‘yo quyosh ham

Shafaq gulxaniday teran chirmanda.

2-boshlovchi: Kurs tinglovchilari ijrosida o‘zbek xalq laparlaridan tinglang.

1-boshlovchi: Qo‘shiq: Etakchilar kursi tinglovchilari ijrosida.

2-boshlovchi: Aziz ayollar, qadrli onaxonlar, ustozlar sizlarni bugungi bayram bilan qutlash uchun so‘zni ma’naviy-ma’rifiy ishlar bo‘yicha prorektor S.Quvondiqovga.

1-boshlovchi: Hurmatli davramiz qatnashchilari shuning bilan 8 mart xotin-qizlar kuniga bag‘ishlangan bayram tadbiri nixoyasiga yetdi.

E’tiboringiz uchun rahmat.