Нигинахон шермухамедова

Ezoterizmda ruhiy energiya.
Ezoterika an‟anasida ruhiy energiyaning 
boshqa muhim xossasiga, xususan, u makonda qatlam hosil qilishi, insonni 
qurshagan hamma narsalarga o„tirib, cho„kindi hosil qilishiga e‟tibor qaratiladi.
Inson nafaqat kosmik energiyani to‗plovchi, balki uning kuchli tarqatuvchisi 
hamdir. SHu bois ruhiy energiya tashuvchisi – inson qanday bo‗lsa, uning narsalari 
ham shunday bo‗ladi. Ruhiy energiya qatlamlarining saqlanish yoshi muammoli 
hisoblanadi. Uni asrlar ham, masofa ham yo‗q qila olmaydi, u ming yilliklar osha 
yashaydi. Rivoyatlarga qaraganda, atlantlar, misrliklar, xaldeylar ruhiy 
energiyaning mazkur xossasidan foydalanishgan. Ular muayyan sifatli narsalarga 
ruhiy energiyani qavat-qavat qilib to‗plaganlar, bu energiya boshqalarga kerakli 
darajada ta‘sir ko‗rsatishi lozim bo‗lgan. Bunday narsalar terafimalar yoki dam 
solingan narsalar deb atalgan, ularda energiya qatlamlari to‗planishi jarayonida 
muayyan duo o‗qilgan.
Ruhiy energiyaning o‗z-o‗zidan ajralish, ya‘ni inson xohish-irodasiga 
bog‗liq bo‗lmagan tarzda uni tark etish va uning xohish-irodasidan qat‘iy nazar 
yaratish qobiliyati mazkur energiyaning g‗ayritabiiy xossasidir. Oliy energiya aqlli, 
u o‗ch olish, ya‘ni salbiy ta‘sir ko‗rsatish uchun ajralmaydi, balki, eng avvalo, 
mushkul ahvoldagi odamga yordam berishga shoshiladi. YOrdam qo‗lini cho‗zgan 
odam bexos charchoq hissini, yordam olgan odam esa kuchiga kuch qo‗shilganini 
sezadi, lekin ularning birinchisi ham, ikkinchisi ham ko‗pincha nima yuz berganini 
tushunmaydi. Energiyani ongli ravishda yo‗naltirish ham mumkin, ammo bu 
odatdagi yo‗ldan energiyaning ongsiz oqimlari harakatlanishi ham mumkin.
Hayotda o‗z ruhiy energiyasi kuchidan mohirona foydalanadigan, buni 
bilgan holda, maxsus yoki spontan tarzda ishga soladigan kishilar uchraydi. Ba‘zi 
hollarda bunday kishilar bilan bir joyda (u qanchalik katta bo‗lmasin) ishlash baxt 
yoki cheksiz azobga aylanadi. 
Agar ijobiy energiyaga ega bo„lgan kishi bilan 
hamsuhbat bo„lsangiz, undan kuch, energiya olasiz, salbiy energiyaga ega kishilar 
huzuridan esa ezilib, irodangiz bo„shashib chiqasiz. Bundaylar orasida 
energiyasini faqat o„z maqsadiga ishlatishni yaxshi biladigan, uni boshqalarni 
mag„lub etishi va irodasiga bo„ysundira olishini anglaydigan kishilar (energetik 
vampirlar) ham uchraydi.
Ular bilan hayotda qancha ko‗p muloqotda bo‗lsangiz, 
ularning domiga shuncha ko‗p tushaverasiz, fikr-xayolingizni ularning energetik 
ta‘siri cho‗lg‗ab yuraveradi. Qizig‗i shundaki, bundaylar domiga tushganlar 
ulardan uzoqqa keta olmaydilar, asta-sekin ana shu ta‘sirning quliga aylanib 
qolganliklarini o‗zlari ham sezmay qoladilar. Agar muayyan jamoani uzoq vaqt ana 
shunday kuchga ega kishi boshqarsa, bu hol ba‘zilarda undan keyin ham o‗z 
ta‘sirini saqlab qolaveradi. 
Harakatga keltirilgan har qanday energiya inersiya tug‗dirishini unutmaslik 
kerak. Bu inersiyani deyarli to‗xtatib bo‗lmaydi. Ruhiy energiyaning har qanday 
harakati inersiya bo‗yicha ta‘sir ko‗rsatishda davom etadi, ba‘zan bu uzoq vaqtga 
cho‗ziladi. SHunday qilib, ruhiy energiya inersion tabiatga ega bo‗ladi. SHaroit 
allaqachon o‗zgargan bo‗lishi mumkin, lekin oldingi harakat natijasi makonda 
ancha vaqt saqlanib qoladi. Ruhiy energiyaning kuchi ana shunda. Alohida e‘tibor 
berish lozim bo‗lgan muammo ham shundan iborat.

---

232