Nevrasteniya

Psixoterapiya

Psixoanaliz (psixodinamik terapiya). Psixodinamik nazariyaga muvofiq depressiyaning negizida ichki ongsiz ziddiyatlar yig‘indisi yotadi: shaxs bir tomondan, birovlarga qaram bo‘lishni xohlamay- di, ikkinchi tomondan, boshqalar uni e’tirof etishini, qo‘llab- quwatlashini xohlaydi. Albatta, ushbu bir-biriga zid holatlar doimiy qoniqmaslik hissini yuzaga keltiradi, ya’ni boshqalarga nisbatan qahr- g‘azab va xafagarchilik shaxsning ichki dunyosini qamrab oladi. Shu asnoda shaxsning o‘zi esa boshqalarning nazdida mehribon, odamovi va ajoyib inson sifatida tan olinishni xohlaydi. Psixoanalitiklarning fikricha, mana shu istaklarning ro'yobga chiqmasligi depressiyaning shakllanishiga turtki bo'ladi. E’tirof etilmagan har bir xohish va istak yillar mobaynida ong ostida qo'nim topadi va ular yig'ilgan sayin ichki ziddiyatlar kuchaya boradi. Bunday paytlarda depressiyaning o‘tkir tarzda yuzaga kelishi uchun kuchli stressning o‘zi yetarlidir.

Surunkali tarzda shakllanadigan depressiya esa doimiy ruhiy- hissiy zo‘riqishlar ta’siri ostida rivojlanadi. Psixodinamik terapiyaning asosiy maqsadi depressiya kasalligiga uchragan bemorlarda ichki ziddiyatlarni to‘la ochib tashlashga qaratilgan. Bu terapiya, albatta, individual tarzda olib boriladi va har bir bemorda ichki ziddiyatlar sababini ochishga qaratilgan bo’ladi. Psixodinamik terapiya bemorda katarsis, ya’ni ruhiy poklanishga erishilgunga qadar olib boriladi. Ijobiy natijaga bir necha kun ichida erishish mumkin, ba’zan esa bu jarayon bir necha oyga cho‘ziladi.