Nerv sistemasi va uning ahamiyati. Nerv sistemasining struktura birligi neyronning tuzilishi,turlari va ahamiyati

MUSTAQIL ISH

Bajardi: Mansurova Sabina

Tekshirdi:Raximov G’ulom

NERV SISTEMASI VA UNING AHAMIYATI. NERV SISTEMASINING STRUKTURA BIRLIGI NEYRONNING TUZILISHI,TURLARI VA AHAMIYATI

REJA: 1.Nerv sistemasi va uning ahamiyati. 2.Nerv sistemsining struktura birligi neyronning tuzilishi,turlari va ahamiyati. 3.Nerv sistemasi markaziy va preferik bo’limlari tavsifi. 4.Nerv sistemasi gigiyenasi. 5.Nerv markazlarining fizioligik xususiyatlari. 6.Markaziy nerv sistemasi bo’limlarning yoshga oid xususiyatlari. 7.Xulosa 8.Foydalanilgan adabiyotlar

Nerv sistemasi — odam va hayvonlar organizmida barcha aʼzolar faoliya-tini bir-biriga bogʻlagan hodda hayotiy muhim funksiyalarni bajaradigan hamda organizmni tashqi muhit bilan bogʻlaydigan sistema. Hayvonlar organizmining evolyusiya jarayonida va organizmlar bilan tashqi muhit oʻrtasidagi murakkab munosabatlarning shakllanishida Nerv sistemasi hal qiluvchi ahamiyatga ega.

Nerv sistemasi asosini nerv hujayralari tashkil qiladi. Har bir hujayra oʻzidan chiqqan kalta shoxchalar (dendrit), bitta uzun tola (akson) bilan birga neyron deb ataladi. N.s, asosan, neyronlar toʻplamidan iborat. Nerv sistemasi filogenez va ontogenezda gavdaning tashqi qavati — ektodermadan rivojlanadi. Organizmlarning tarixiy rivojlanish jarayonida Nerv sistemasining tuzilishi murakkablashib, nerv hujayralarining hajmi va turlari osha borgan, neyronlar strukturasi va ayrim nerv hujayralari oʻrtasidagi oʻzaro munosabatlar, shu bilan birga Nerv sistemasining funksiyasi ham shakllangan. Nerv sistemasiga xos ikkinchi toʻqi-ma — neyrogliya paydo boʻlgan (u tayanch va trofik funksiyalarni bajaradi).