Нефтни қайта ишлашда каталитик жараёнлар фанида маърузалар матни

Катализаторни майдаланганлик даражаси

Маълум миқдордаги катализатор доначалари кичрайган сари, унинг юзаси ортиб боради, натижада катализаторни фаоллиги ошади. Гетероген катализда катализатор доначаларини ўлчами (Зх5мм, 4х5 мм, 5х5 мм) катталикда бўлади. Майдаланган катализаторларнинг реакторга юклатилганда гидравлик қаршилиги ошиб кетади. Майда кукун ҳолидаги катализаторлар қайнаб турувчи ҳолатда ишлатилади. Циркуляция қилинадиган газнинг тезлиги билан реакция олиб бориладиган бўлимда катализатор газ билан реактордан чиқиб кетиши мумкин. Шунинг учун газни тезлиги аниқланиб катализаторни йўқотишга йўл қўйшшайди.

Ёювчилар
Катализаторлар тайёрланадиган фаол металлар ғовак материаллар юзасига суритилган ёйилган ҳолда қўлланилади. Бундай моддалар катализатор ёювчилар ёки тегерлар деб аталади. Катализаторлар тайёрлашда трегерлардан фойдаланганда катализатор таркибига кирувчи фаол моддалар, айниқса қимматбаҳо металлардан (платина, палладий) фаол компонент сифатида фойдаланганда, унинг миқдори тежалади. Катализатор таркибида фаол марказ вазифасини бажарувчи компонентларини катализатор юзасида жойлашиши катта аҳамиятга эга. Катализаторни механик мустаҳкамлиги ортади. Катализаторнинг макро ва микро ғоваклари ортиши натижасида реакцияга киришувчи юза катталашади. Ёювчи сифатида у-А1₂О₃ цеолит, силикогел, кремний оксиди, барий сулфат ва бошқалар ишлатилади. Нефтни қайта ишлаш жараёнларида ( NiO, МоО₃, Сг₂О₃, Ғе₂Оз , SiO₂ ,Рt, Рd) фаол компонентлар қўшиб тайёрланган катализаторлар ишлатилади. Каталитик крекинг жараёнида ишлатиладиган Цеокар — 1, Цеокар — 2 катализаторлари цеолитга 0,01 % платина қўшиб тайёрланади.
Маьлум реакция учун катализатор ва ёювчи танлашда ёювчининг табиат ва унинг хоссаларини эътиборга олиш керак.
И.Е. Абадуров илмий ишлари натижасида, ёювчи катализаторнинг физик — кимёвий хоссасини ўзгартириб, унинг фаоллигини ошириши тасдиқланди. И.Е. Абадуровнинг фикрича, ёювчи таъсирида катализаторнинг фаоллигини ошишига сабаб, ёювчи катализатор таркибидаги фаол компонентларни деформациялайди, уларнинг қутблантирилади ва ташқи майдон потенциалини ўзгартиради. И.Е. Абадуровнинг илмий ишларига қараб, маълум катализаторлар учун ёювчи танлашга имкон берди. Ёювчи таъсирида катализаторнинг табиати ўзгариши ва жараёнинг йўналиши ўзгариши мумкин. Масалан: мис катализатори этил спиртини водородсизлантириб, альдегидга айлантиради. Худди шу мисни кўмирга шимдирилиб, катализатор сифатида фойдаланилса, этил спирти этилен ва сувга парчаланади.