Нефть ва газни қайта ишлаш жараёнлари ва ускуналари Ўзбекистон Республикаси Олий ва ўрта махсус таълим вазирлиги олий ўқув юртлари бакалавриатининг «Нефть ва нефть-газни қайта ишлаш технологияси»

Иссиқликнинг кириши (Bm): дастлабки эритма билан G_бC_бt_б, бу ерда С_б – бошланғич эритманинг иссиқлик сиғими, Ж/кг·К, t_б – унинг ҳарорати, ⁰С; кристалланиш пайтида ажралади G_крq_кр, бу ерда q_кр – кристалланиш иссиқлиги, Ж/кг.
Иссиқликнинг сарфи (Bm): қолдиқ эритма билан G_қC_қt_қ, бу ерда С_қ – қолдиқ эритманинг иссиқлик сиғими, Ж/кг·К, t_қ – унинг ҳарорати, ⁰С; кристалл модда билан G_крС_крt_кр, бу ерда С_кр – кристалларнинг иссиқлик сиғими, Ж/кг·К, t_кр – кристалларнинг ҳарорати, у қолдиқ эритманинг ҳароратига тенг (t_кр = t_қ); буғланган эритма билан Wi, бу ерда i – эритувчи буғларнинг энтальпияси, Ж/кг; совитувчи агент билан G_cC_c (t₀ – t_б), бу ерда G_с – совитувчи агентнинг миқдори, кг/с, С_с – совитувчи агентнинг иссиқлик сиғими, Ж/кг·К, t_б ва t₀ – совитувчи агентнинг бошланғич ва охирги ҳароратлари, ⁰С; атроф муҳитга йўқолиши Q_й.
Иссиқликнинг кириши ва унинг сарфини бир-бирига тенглаб, қуйидаги иссиқлик баланси тенгламасини ёзамиз:

G_бC_бt_б + G_крq_кр = G_қC_қt_қ + G_крС_крt_кр + Wi + G_cC_c(t₀ – t_б) + Q_й. (17.13)

Ушбу тенглама ёрдамида буғланиш йўли билан ажратиб олинадиган эритувчининг миқдори W (кг/с) ёки эритманинг ҳароратини тегишли қийматгача совитиш учун зарур бўлган совитувчи агентнинг миқдори G_c (кг/с) аниқланади.

Кристаллизаторнинг иссиқлик алмашиниш юзалари 8-бобда келтирилган тенгламалар асосида топилади. Сўнгра кристаллизаторнинг асосий ўлчамлари (диаметри, баландлиги, ҳажми) аниқланади.

ТАЯН СЎЗ ВА ИБОРАЛАР

Кристалланиш, сублимация, десорбция, изотермик ва изогидрик услублар, дастлабки эритма, тўйинган эритма, ўта тўйинган эритма, кристалланиш марказлари, турғун эритма, нотурғун эритма, аддуктив кристалланиш, комплекс бирикма – аддукт, эритманинг номувозанат ва мувозанат ҳолатлари, Клапейрон-Клаузиус тенгламаси, кристалланиш иссиқлиги, модданинг солиштирма ҳажми, фазавий ўзгаришида юз берадиган босим, бинар ва кўп компонентли системалар, кристалланиш тезлиги, кристалларнинг ҳосил бўлиш механизми, кристалланишнинг молекуляр ва кинетик босқичлари, диффузия коэффициенти, ўсаётган кристалларни қоплаб турган диффузион чегара қатламнинг қалинлиги, концентрациялар айирмаси, ўта тўйинган эритманинг концентрацияси, чегара қатламдаги тўйинган эритманинг концентрацияси, фазавий ўзгариш тезлигининг доимийлиги, П.М. Силин тенгламаси, кристалларнинг юзаси, муҳитнинг қовушоқлиги, эритманинг абсолют ҳарорати, кристаллизаторларнинг тузилиши, барабанли кристализатор, вакуум-кристаллизатор, мавҳум қайнаш қатламли кристаллизатор, дискли кристаллизатор, контактли кристаллизатор, колоннали кристаллизаторлар, кўп корпусли вакуум-кристаллизатор, кристаллизаторларнинг моддий баланси, кристаллизаторларнинг иссиқлик баланси.