Neft va gazni qayta ishlash texnologiyasi

6.2.-§. Reaktiv dvigatellar uchun yoqilg’ilar

Bu yoqilg’ini tovush tezligigacha va tovush tezligidan yuqori dvigatelar yoqilg’ilariga bo’linadi. Yoqilg’ilarni bunday bo’lish ularni foydalanishdagi harorat sharoitlarining firqiga bog’liq, chunki bu dvigatellar har xil harorat sharoitlarida ishlaydi. Tovush tezligidan yuqori uchuvchi samolyotlarda yoqilg’i samolyot konstrukstiyasining aerodinamik qizishi hisobiga qizadi. Tovush tezligida 2 marta ortiq uchadigan samolyotlarda yoqilg’i 150-180⁰S gacha qizishi mumkin.

Hozirgi vaqtda tovush tezligigacha bo’lgan aviastiya uchun uch martada (T-1, TS-1 va RT) va tovush tezligidan yuqori bo’lgan aviastiya uchun ikki martada (T-8 va T-6) gi yoqilg’i ishlab chiqariladi.

T-1 yoqilg’isi. Kam oltingugurtli neftlardan olingan 150-280⁰S da qaynovchi kerosin frakstiyasi. Bunday neftlardan kristallanish harorati - 60⁰S bo’lgan va oxirgi qaynash harorati +280⁰S bo’lgan yoqilg’i olish mumkin.

TS-1 yoqilg’isi. Oltingugurtli neftlardan olingan yoqilg’i. T-1 yoqilg’isidan frakstion tarkibining engilligi bilan farq qiladi. Oltingugurtli neftlar tarkibida, kam oltingugurtli neftlarga nisbatan parafin uglevodorodlari miqdori ko’p bo’ladi. Oltingugurtli neftlardan olingan yoqilg’ini kristalanish haroratini -60 ⁰S ga tushirish uchun frakstiyani oxirgi qaynash harorati 250⁰S qilish maqsadga muvofiq bo’ladi.