Neft va gaz mahsulotlarini tashish va saqlash texnologiyasi

8-Amaliy mashg’ulot.
Suyultirilgan yonuvchi gaz tarqatish agrеgatini tuzilishi va ishlash prinsipini o’rganish.

1. 
   Mashg’ulotni bajarishdan maqsad: Suyultirilgan gaz quyish kolonkalari tuzilishi va ishlash prisipini o’rganish.
   
2. 
   Mashg’ulotni bajarish bo’yicha umumiy ma’lumotlar:
   

Suyultirilgan gaz quyish vositalari (kolonkalari)
Suyultirilgan gaz quyish vositalari (kolonkalari) ko‘plab kompaniyalar
tomonidan ishlab chiqarilmoqda. ADAST LPG (2.10-rasm) rusumli suyultirilgan gaz taqsimlash kolonkasi asosan suyuq propanbutan gazini transport vositalarining ballonlariga quyish uchun ishlatiladi.
Gazning suyuq fazasi nasos yordamida truboprovodlar orqali rezervuardan qulflanadigan kran va filtrdan gaz faza separatoriga keladi. Bu yerda gaz fazasi ajralib, qaytish truboprovodi orqali rezervuarga tushadi. Suyuq faza qaytish klapanidan o‘tadi va sarf o‘lchagichga kiradi hamda undan ko‘rish indikatori, saqlash muftasi
yoki ajratuvchi muftadan o‘tib, tarqatish shlangi va pistolet yordamida ballonga quyiladi. O‘lchash asbobi elektron hisoblagichning impulsli datchigiga ulangan. Elektron hisoblagich quyilgan hajmni, hajm birligining narxini va umumiy narxni ko‘rsatadi. Ushbu kolonkani ATC (automatic temperature compensation) – yonilg‘i haroratini hisobga oluvchi avtomatik korreksiyalash elektron tizimi bilan butlash mumkin. ADAST LPG kolonkalarining o‘lchash aniqligi ±0,5 %, quvvati 50 l/daqiqagacha, zanglashga qarshi ishlov berilgan, hisoblagichning elektron kalibrovkasi – EC, shoxobchaning boshqarish tizimiga ulanish uchun interfeys RS 485 (ISO 8482), kommunikatsiya tarmog‘iga ulanish uchun interfeys IFSF – LON – FTT- 10 yoki TCP/IP – Ethernet hamda ADAST ADAMAT quyish avtomati bilan butlanishi mumkin. Ekspluatatsiya harorati –30 °C dan
+60 °C gacha. Texnik tavsifi 2.3-jadvalda keltirilgan.