Neft va gaz konlarini o‘zlashtirishning seysmogeodinamik jarayonlarga ta’sirini monitoring qilish tizimini takomillashtirish to‘G‘risida

Kosmik geodeziya kuzatuvlari o‘zlashtirilayotgan neft va gaz konlari hududlarida O‘zbekiston Respublikasi Davlat soliq qo‘mitasi huzuridagi Kadastr agentligi tomonidan yer qobig‘ining zamonaviy vertikal harakatlari o‘zgarishining dinamikasini maydon bo‘yicha joylashtirilgan qayta kuzatuv nuqtalarida o‘tkaziladigan o‘lchovlar asosida o‘rganish orqali amalga oshiriladi. Bunda qayta kuzatuv nuqtalarida maydonlarni o‘lchash sikllari yiliga kamida ikki marta o‘tkaziladi. Kuzatuvlar natijalari bo‘yicha hududdagi zamonaviy vertikal harakatlar baholanadi hamda seysmogeodinamik jarayonlardagi konlarni o‘zlashtirish bilan bog‘liq o‘zgarishlar aniqlanadi.
13. Kuzatuvlar neft va gaz konlarida foydalanish uchun belgilangan tartibda berilgan konturlar doirasida amalga oshiriladi.
14. Monitoring natijasida:
tektonik kuchlanishlarga texnogen omillarning ta’siri aniqlanadi;
neft va gaz konlarini o‘zlashtirayotgan mahalliy va xorijiy kompaniyalar konlardagi seysmogeodinamik holatning o‘zgarishi to‘g‘risida axborot bilan ta’minlanadi;
uglevodorodlarni qazib olishning seysmogeodinamik jarayonlarga ta’siri baholanadi;
favqulodda vaziyatlarni keltirib chiqaruvchi kuchli zilzilalarning ehtimoli va ko‘lami prognoz qilinadi;
seysmologik, geofizik va kosmik geodeziya kuzatuvlarining ma’lumotlar bazasi yaratiladi.
15. Monitoring davomida olingan ma’lumotlar Seysmologiya institutiga, O‘zbekiston Respublikasi Favqulodda vaziyatlar vazirligi Respublika seysmoprognostik monitoring markaziga hamda O‘zbekiston Respublikasi Davlat soliq qo‘mitasi huzuridagi Kadastr agentligi tomonidan birlamchi tahlil qilinadi hamda tegishli ma’lumotlar bazalariga umumlashtiriladi.
Ularga mahalliy va xorijiy kompaniyalar tomonidan monitoring natijalari tahlili bilan solishtirish uchun zarur neft va gaz konlariga hamda ularning ekspluatatsiyasiga taalluqli ma’lumotlar taqdim etib boriladi.
16. Monitoring ma’lumotlarini kompleks tahlil qilish, tegishli xulosa berish va hisobotlar tayyorlash Seysmologiya instituti tomonidan amalga oshiriladi.
17. Monitoring tizimini boshqarish va davlat nazoratini amalga oshirish O‘zbekiston Respublikasi Favqulodda vaziyatlar vazirligi tomonidan amalga oshiriladi.