Neft va gaz konlarini o‘zlashtirishning seysmogeodinamik jarayonlarga ta’sirini monitoring qilish tizimini takomillashtirish to‘G‘risida

O‘zbekiston Respublikasining Bosh vaziri A. ARIPOV
Toshkent sh.,
2020-yil 25-noyabr,
746-son
Vazirlar Mahkamasining 2020-yil 25-noyabrdagi 746-son qaroriga
ILOVA
Neft va gaz konlarini o‘zlashtirishning seysmogeodinamik jarayonlarga ta’sirini monitoring qilish tizimi to‘g‘risida
NIZOM
1-bob. Umumiy qoidalar
1. Ushbu Nizom O‘zbekiston Respublikasi hududida neft va gaz konlarini o‘zlashtirishning seysmogeodinamik jarayonlarga ta’sirini monitoring qilish tizimini (keyingi o‘rinlarda — monitoring tizimi) joriy etish va uning faoliyatini tashkil etish tartibini belgilaydi.
2. Neft va gaz konlarini o‘zlashtirishning seysmogeodinamik jarayonlarga ta’sirining monitoringi (keyingi o‘rinlarda — monitoring) muntazam kuzatishlar, axborotni yig‘ish, to‘plash va uni qayta ishlashni, geologik muhit seysmotektonik holatini tahlil qilish, neft va gaz konlarini o‘zlashtirish va faoliyatning boshqa turlari ta’siri ostida yer qa’rida sodir bo‘layotgan geologik, seysmogeodinamik o‘zgarishlar monitoringini o‘z ichiga oladi.
3. Monitoring atrof tabiiy muhitning davlat monitoringi tizimining tarkibiy qismi hisoblanadi.
4. Ushbu Nizomda quyidagi asosiy tushunchalar qo‘llaniladi:
yer qa’ri — yer qobig‘ining tuproq qatlamidan quyida joylashgan, tuproq qatlami bo‘lmaganda esa yer yuzasidan yoki suv obyektlari tubidan quyida joylashgan, geologik jihatdan o‘rganish va o‘zlashtirish mumkin bo‘lgan chuqurlikkacha bo‘lgan qismi;
monitoring obyekti — doimiy ravishda kuzatuv ishlari olib boriladigan, unda kechayotgan jarayonlarni, ulardagi o‘zgarishlarni o‘z vaqtida aniqlash va prognozlash uchun olib boriladigan tabiiy, texnogen obyekt yoki uning bir qismi;
monitoring ma’lumoti — jarayonlar va hodisalarni muntazam yoki tezkor nazorat qilish va kuzatish natijasida olingan ma’lumot turi;
seysmiklik — turli kuchdagi zilzilalarning vaqt va makon bo‘yicha kuzatilishi va takrorlanishi bo‘lib, zilzilalarning hududiy tarqalishi, intensivligi va boshqa xususiyatlari bilan tavsiflanadi;