Нефт-газни қайта ишлаш жиҳозлари, ускуналари ва лойиҳалаш асослари

Назорат учун таянч сўз ва иборалар
Экстракция - биронта суюқликдаги қаттиқ жисмлардаги компонентни эритувчидан эритиб ажратиб олиш.
Экстрагент - эритувчи сифатида ишлатиладиган органик суюқликлар.
Экстракция - эритувчида эриган компонент.
Назорат учун саволлар

1. 
   Экстракция жараёнининг мохияти ва принципиал схемаси тушунтиринг.
   
2. 
   Экстрагентга қўйиладиган талаблар айтиб беринг.
   
3. 
   Учбурчакли диаграммани тушунтиринг.
   
4. 
   Экстракция жараёнини унумдорлигини ошириш усулларини айтинг.
   
5. 
   Экстракторларнинг турларини санаб беринг.
   

6. Экстракция усулларини айтинг.

7. 
   Экстракция нима?
   
8. 
   Бир босқичли экстракцияни камчилиги нима?
   
9. 
   Мавҳум қайнаш аппаратининг тузилиши ва ишлаш приципи.
   
10. 
    Мавҳум қайнаш аппаратини ишлаш принципи.
    

6-МАВЗУ: АБСОРБЕРЛАРНИ ТУРЛАРИ, ТУЗИЛИШИ, ИШЛАШ ПРИНЦИПИ ВА УЛАРНИ ҲИСОБИ ДЕСОРБЕРЛАРНИ КОНСТРУКЦИЯСИ, ИШЛАШ ПРИНЦИПИ ВА УЛАРНИ ҲИСОБИ


РЕЖА

1. 
   Нефт маҳсулотларини қайта ишлашда абсорбция жараёнининг моҳияти.
   
2. 
   Абсорбциянинг турлари. Абсорбернинг ишлаш гидродинамик режими.
   
3. 
   Абсорбция жараёнини интенсивлаштириш усуллари.
   
4. 
   Тарелкали абсорберларнинг тузилиши.
   
5. 
   Абсорберларни ҳисоблаш. Моддий баланс. Сарфларни ҳисоблаш.
   
6. 
   Aбсорберларнинг гидродинамик ишлаш режими ҳисоблаш.
   

1. Газларни суюқликда ютилишига абсорбция дейилади. Нефтни қайта ишлаш саноатида абсорбция жараёни кенг миқёсда қўлланилади. Абсорбция жараёни 2 хил бўлади: физик абсорбция, хемосорбция.
Абсорбция жараёнида химиявий реакция кетса, бу ҳолат хемосорбция дейилади. Хемосорбция жараёнида ютилаётган газ абсорбент билан ўзаро бирикиб кимёвий бирикма ҳосил қилади.
Физик абсорбция кўпинча қайтар жараёндир, яъни суюқликка ютилган газни ажратиб олиш мумкин бўлади. Бу ҳол десорбция дейилади. Абсорбция ва десорбция жараёнларини узлуксиз олиб бориш натижасида ютилган газни тоза ҳолда ажратиб олиш ва ютувчи абсорбентни бир неча марта қайта ишлатиш мумкин.
Саноатда абсорбция жараёни турли мақасадларда қўлланилади: газ аралашмалардан қимматбахо компонентларни (масалан, крекингланган газлардан ёки метан гидролизидан аустиленни, кокс гази аралашмаларидан аммиак, бензолни нефтни қайта ишлаш натижасида ҳосил бўлган газ аралашмаларидан ҳар хил углеводород ва шу кабиларни) ажратиб олинади.
Компонентларни ҳар хил заҳарли моддалардан тозалашда (минерал ўғитларни олишда ҳосил бўлган газ араламаларини СО ва СО₂ оксидларидан тозалашда, тайёр махсулотлар олишда, масалан, хлорид ва сульфид кислоталари, аммиакли сув олишда ва ҳоказо) қўлланилади. Ҳар бир конкрет шароит учун тегишли абсорбент танлаб олинади.
Абсорбция жараёнида хар доим иссиқлик ажралиб чиқади. Газларни суюқ ҳолатдаги абсорбентларда эруванлиги қуйидаги омилларга боғлиқ бўлади:

1. 
   Газ ва суюқ фазаларнинг физик ва химиявий хоссалари.
   
2. 
   Темпетратура, газ аралашмасининг босими.