Nazariy savollar. Bir qancha jinoyat sodir etish va uning ahamiyatini muhokama eting

САВОЛЛАРИ 39.
Жиноятларнинг идеал жами ва реал жами нима? Уларнинг ҳуқуқий аҳамияти нимада?
Жиноятлар жами жиноят қонунида турларга бўлинмаган бўлсада, жиноят ҳуқуқи назариясида жиноятларнинг идеал жами ва жиноятларнинг реал жамига бўлиб ўрганилади.
Жиноятларнинг реал жами. Жиноят кодекси Махсус қисмининг турли моддаларида ёки битта моддасининг турли қисмларида назарда тутилган, жавобгарликка тортиладиган икки ёки бир неча жиноий қилмишни турли вақтларда содир қилиш, агарда улардан бирортаси учун ҳам шахс судланган бўлмаса, жиноятларнинг реал жами деб топилади. Демак, жиноятларнинг реал жамида шахс турли вақтларда бир-бирига боғлиқ бўлмаган алоҳида-алоҳида мустақил жиноий қилмишларни содир этади. Бундай жиноятлар ЎзР ЖК Махсус қисмининг турли моддаларида ёки битта моддасининг турли қисмларида назарда тутилган жиноятлар содир этилган ва бундай жиноятлар учун ЖКнинг 59-моддасида кўрсатилган қоидаларга асосланиб жазо тайинланадиган бўлиши керак.
Суд амалиётида кўрилаётган бир неча жиноятларнинг асосий кўпчилик қисмини жиноятларнинг реал жами тариқасида содир этилган жиноятлар ташкил қилмоқда. Булар, айниқса ўғрилик, фирибгарлик, талончилик жиноятлари туркумида кўпроқ учрамоқда.
Идеал жами деганда эса - шахснинг битта ҳатти-ҳаракати натижасида ЖК Махсус қисм турли моддаларида ёки бир моддасининг турли қисмларида назарда тутилган камида иккита жиноят таркиби белгиларини ташкил қиладиган ва қилмиш ушбу нормалардан бирортаси билан ҳам тўлиқ қамраб олинмайдиган жиноят турига айтилади.
Жиноятларнинг идеал жами. Жиноятларнинг идеал жами амалдаги жиноят қонунида норматив асосга эга эмас. Чунки Жиноят кодексида жиноятларнинг идеал жами тушунчаси алоҳида берилмаган.
Жиноятларнинг идеал жамининг шартлари:
а) фақат битта жиноий ҳаракатнинг содир этилганлиги;
б) шу ҳаракат билан ЖК Махсус қисмининг камида иккита моддаси билан жавобгар қилинадиган жиноятларнинг содир этилганлигидир.
САВОЛЛАРИ 40.
Зарурий мудофаа чегарасидан четга чиқиш деб ҳисоблашнинг шартларини айтинг.