Navoiy erkin iqtisodiy zonasi. Reja: I. Kirish: II. Asosiy qism

Navoiy erkin iqtisodiy zonasi.
Reja:
I.Kirish:
II.Asosiy qism.
2.1. O’zbekistonda erkin iqtisodiy hududlarni tashkil etishning zarurligi va o’ziga xos xususiyatlari.
2.2. O’zbekistondagi erkin iqtisodiy zonalar.
2.3. O’zbekistonda “Navoiy”, Angren” va “Jizzax” erkin iqtisodiy hududlar faoliyatini tashkil etish shart-sharoitlari va iqtisodiy asoslari.
Xulosa.
Foydalanilgan Adabiyotlar.


Mavzuning dolzarbligi. Bugungi kunda O’zbekiston iqtisodiyotining barqaror o’sishiga erishishning muhim yo’nalishlaridan biri barcha ichki manbalardan unumli foydalanish hamda xorijiy investitsiyalarni faol jalb etishdir. Zero, xorijiy investitsiyalarni iqtisodiyotga keng jalb etilishi ishlab chiqarishni modernizatsiyalashga, raqobatdoshlikka erishish va dunyo bozorlariga chiqishga, import o’rnini bosuvchi va eksportbob mahsulotlarni ishlab chiqarishga, aholini ish bilan ta’minlashga imkoniyat yaratadi. Mamlakatimizda investorlar, ayniqsa xorijiy investorlar uchun yaratilgan qulay investitsiya muhiti natijasida yildan-yilga iqtisodiyotimizga jalb etilayotgan investitsiyalar hajmi ortib bormoqda. O’zbekiston Respublikasi Prezidenti Shavkat Mirziyoyev 2018 yil 21 dekabr kuni Xalq deputatlari Toshkent shahar kengashining navbatdan tashqari sessiyasida poytaxtimizga yirik biznes vakillari va salohiyatli investorlarni jalb qilish, shaharda eng qulay investitsiya muhitini yaratish zarurligini ta’kidlaganligi fikrimizning dalilidir¹. To’g’ridan-to’g’ri xorijiy investitsiyalarni jalb qilishga alohida e’tibor qaratilgan bo’lib, ularni rag’batlantirish borasida bir qator ishlar amalga oshirilmoqda. Ularga berilayotgan imtiyozlar, imkoniyatlar va kafolatlar tizimining amaldagi holati natijasida hukumat kafolati ostida kiritilgan xorijiy investitsiyalarga nisbatan to’g’ridan-to’g’ri xorijiy investitsiyalarning salmog’i yildan-yilga ortib bormoqda. Bu ko’rsatkichni yanada oshirish uchun xorijiy investitsiyalarni jalb qilishning asosiy shakllaridan biri bo’lgan erkin iqtisodiy zonalarni tashkil etish hamda mavjud erkin iqtisodiy zonalar faoliyatini yanada rivojlantirish talab etiladi. Iqtisodiyotni modernizatsiyalashtirish sharoitida investitsiya faoliyatini hududlar miqyosida rivojlantirish alohida ahamiyat kasb etadi. Erkin iqtisodiy zonalarni tashkil etish orqali, nafaqat ayrim hududlarni, balki shu orqali butun respublika iqtisodiyotini rivojlantirishga erishish mumkin. Mamlakatning qaysi hududida, qaysi turdagi erkin iqtisodiy zonalarni tashkil etish bilan bog’liq masalalar respublika iqtisodchi olimlari va amaliyotchilari oldiga rejali iqtisodiyot davrida yechilmagan vazifalarni qo’ymoqda. O’zbekiston iqtisodiyotiga chet el investitsiyalari va kreditlarini jalb qilish muammosi hozirda iqtisodiyotni barqarorlashtirishdagi, respublikani rivojlangan industrial mamlakatga aylantirishdagi ana shunday muhim muammolardandir.