Navoiy davlat pedagogika instituti umumiy tilshunoslik

Komponent tahlil metodi 
Umum  tilshunoslikda  (masalan,  turkiy-o`zbek  tilshunosligida)  lisoniy  birliklarni  tadqiq 
qilishda  faol  qo`llanayotgan  metodlardan  biri  komponent  tahlil  metodidir.  Komponent  tahlil 
metodi  til  birliklarini  paradigmatik  birlik  sifatida,  paradigmatik  munosabatda,  aloqada  oladi, 
paradigmatik qatorda o`rganadi. 
Ushbu metodning o`ziga xos xususiyati shundaki, u, asosan, so`zga-so`z ma‘nosiga nisbatan 
qo`llaniladi,  so`z  ma‘nosini  mukammal  tahlil  qilishda,  uni  tarkibiy  qismlarga-komponentlarga 
ajratishda keng foydalaniladi. Demak, komponent tahlil metodi so`zning mazmun jihati bo`lgan 
ma‘noni  (sememani)  muayyan  semantik  sistema  sifatida  tekshirishda,  ayni  sisemani  tashkil 
qiluvchi  tarkibiy  qismlarini,  ma‘noviy  bo`laklarni,  ya‘ni  semalarni  anikdashda,  ularning 
semantik  sistemadagi  -  sememadagi  mohiyatiga,  o`rniga,  ahamiyatiga,  imkoniyatiga,  o`ziga 
xosliklariga alohida e‘tibor beradi, ularni aniqlaydi, qo`llanish doirasini belgilaydi. 
Demak,  so`z  ma‘nosini  komponent  tahlil  metodi  orqali  o`rganishda  so`z  ma‘nosi-semema 
mantiqan va zaruran muayyan bo`laklarga, komponentlarga ajralib ketadi. Anig‘i, so`z ma‘nosini 
shu  ma‘noni  -  sememani  tashkil  qilgan  ma‘noviy  bo`laklarga  ajratish  jarayoni,  ajratilgan 
bo`laklarning har birini alohida o`rganish, ularning so`z ma‘nosi tarkibidagi «quvvatini», nutqda 

---

 
183 
qanday  vazifani  bajarishi  kabilarni  o`rganish  jarayoni  komponent  tahlil  metodi  asosida  amalga 
oshadi. 
Eslatamiz, nazariy tilshunoslikda so`z ma‘nosini tashkil qiluvchilarga nisbatan sema termini 
faol  qo`llaniladi.  Demak,  komponent  tahlil  metodining  faollik  ko`rsatadigan  asosiy  «quroli» 
sifatida  sema  termini  xizmat  qiladi.  Sema  sememaning  tarkibiy  qismi,  butunning  bo`lagidir. 
Sema va semema (yoki  semalar va sememalar) o`zaro dialektik bog‘liq bo`lib, butun va bo`lak 
kategoriyasi nuqtai nazaridan baholanadi. 
Masalan, "qiz" leksemasining ikki sememasidan biri quyidagi tarkibiy qismlarga - semalarga 
ajratilishi mumkin: 
"SHaxs/inson" + "ayollik" + "yosh" + "er ko`rmagan". 
Ushbu  leksemasining  ikkinchi  sememasi  esa  semalarga  avvalgisidan  farqli  -  boshqacha 
ajraladi. Qiyoslang: 
"inson" + ayol + qon-qarindosh - +bevosita + " 1 avlod+kichik" 
Leksik  paradigmada semaning ikki asosi  -  differensial  va integral  turlari ajratiladi.  Integral 
semalar  asosida  so`zlar  ma‘lum  bir  paradigmaga  birlashtiriladi.  CHunonchi,  o`g‘il-qiz  so`zlari 
"inson+yosh"  semalari  asosida  bir  qatorga  birlashadi  va  bu  semalar  bu  holda  integral  sema 
mavqeida  bo`ladi.  Ayni  paradigma  uchun  "ayollik"  -  "erkaklik"  semalari  differensialdir.  Lekin 
xotin-qiz  qatorida  (sirasida)  esa  integral  semalardan  biri  sifatida  "ayollik",  differensial  sema 
sifatida esa "erli-ersizlik" semalari namoyon bo`ladi, yuzaga chiqadi. 
Sememani tahlil qilish, semalarni o`rganish, demak, semalar mohiyatini o`rganish, sememani 
o`rganishdir, sememaning semalar tarkibini belgilash, aniklashdir. 
SHunday  qilib,  so`z  leksik  ma‘nosi  semema  uni  tashkil  qiluvchi  komponentlardan  - 
semalardan  tarkib  topadi.  Ma‘lum  bo`ldiki,  so`zning  semantik  tuzilishi  (strukturasi)  bevosita 
ma‘no  (semema)  bilan  bog‘lanadi.  CHunki  semantik  komponentga  ega  bo`lmagan  ma‘no-
semema yo`q va bo`lishi ham mumkin emas. 
So`zning  ma‘nosi,  ma‘no  tarkibi  muayyan  ma‘noviy  bo`laklardan,  tarkibiy  qismlardan 
(semalardan) tashkil topadi. Bu tarkibiy qismlar so`z ma‘nosini shakllantirib, har bir ma‘noning 
alohida til «birligi» sifatida mavjudlikni ta‘minlaydi. So`z ma‘nosining tarkibiy qismlari nutkda 
muayyan  xabar  (darak)  tashiydi.  Demak,  so`z  ma‘nosining  kichik  tarkibiy  qismlari  o`zaro 
barqaror  butunlik  (sistema)  munosabatida  bo`lib,  ma‘noning  nutqiy  «ifodasi»  sifatida  xizmat 
qiladi. 
Xullas,  so`z  ma‘nosini  tarkibiy  qismlarga  ajratib  o`rganish  usuli-komponent  tahlil  metodi 
so`z  ma‘nosini-uning  tarkibini,  tuzilishini  aniqlashda  eng  asosiy  va  eng  qulay,  ob‘ektiv  usul 
hisoblanadi.