Navoiy davlat konchilik instituti nukus filiali

Umumiy qoidalar 
1.  Mazkur  “Xlorni  ishlab  chiqish,  saqlash,  transportda  tashish  va  undan 
foydalanishda  xavfsizlik  Qoidalari”  (keyingi  o‘rinlarda  —  Qoidalar)  sanoat 
xavfsizligini ta’minlashda amal qilinishi lozim bo‘lgan talablarni belgilab beradi va 
kimyo,  neft-kimyo  va  neft  va  gazni  qayta  ishlash  sanoati  hamda  boshqa  xlordan 
foydalaniladigan  xavfli  ishlab  chiqarish  obyektlarida  avariya,  sanoat  travmatizmi 
holatlarining oldini olishga qaratilgan. 
Mazkur Qoidalar “Portlash-yonish xavfi bor kimyo, neft-kimyo va neft-gazni 
qayta  ishlash  korxonalari  uchun  portlash  xavfsizligining  umumiy  Qoidalari”ga 
(“Sanoatkontexnazorat”  davlat  inspeksiyasi  tomonidan  2009-yil  5-yanvardagi  01-
sonli  buyrug‘i  bilan  tasdiqlangan,  O‘zbekiston  Respublikasi  Adliya  vazirligining 
2009-yil 19-yanvardagi 20-15-15/12-sonli xati) qo‘shimcha tarzda qo‘llaniladi. 
2. Qoidalar quyidagi hollarda qo‘llaniladi: 
a)  xavfli  ishlab  chiqarish  obyektlarini  loyihalashtirish,  qurish,  ekspluatatsiya 
qilish,  kengaytirish,  rekonstruksiya  qilish,  texnik  jihatdan  qayta  jihozlash, 
konservatsiya qilish va tugatish; 
xlorid  natriy  va  xlorid  kaliy,  tuzli  kislota  qorishmalarini  elektrolizdan 
o‘tkazish usuli bilan xlor, kaustik soda va vodorod ishlab chiqish; 
xlorni  qo‘llash,  xlor  idishlarining  barcha  turlaridan  foydalangan  holda 
suyultirilgan xlorni saqlash, quyish va to‘kish bilan bog‘liq obyektlarda; 
b)  xlorni  trubalar  orqali  tashish,  shuningdek  suyultirilgan  xlorni  transport 
vositalarida tashishda; 
v)  yuqorida  ko‘rsatilgan  “a”,  “b”  obyektlarida  qo‘llaniladigan  texnik 
qurilmalarni tayyorlash, montaj qilish, tuzatish, xizmat ko‘rsatish va ta’mirlashda. 
3. Qurilayotgan, rekonstruksiya qilinayotgan va ishlab turgan ishlab chiqarish 
obyektlar holatini mazkur Qoidalarga muvofiqlashtirish tartibi va muddatlari har bir 
alohida  holatda  xavfli  ishlab  chiqarish  obyektlarini  ekspluatatsiya  qilayotgan 
tashkilotlar tomonidan belgilanadi.