Навоий вилояти халқ таълими бошқармаси бошлиғининг буйруғи халқ таълими тизимида “Бошланғич таълим”

туман


НАВОИЙ ВИЛОЯТИ ХАЛҚ ТАЪЛИМИ БОШҚАРМАСИ БОШЛИҒИНИНГ
БУЙРУҒИ


Халқ таълими тизимида “Бошланғич таълим”
фан ойлигини ўтказиш тўғрисида

Ўзбекистон Республикаси Халқ таълими вазирининг 2020 йил 13 августдаги 183-сонли буйруғига асосан халқ таълими тизимини 2030-йилгача ривожлантириш концепцияси ижросини таъминлаш, умумтаълим муассасаларида ўқув-тарбия жараёни сифатини янада яхшилаш, фан ўқитувчиларининг педагогик маҳоратини ошириш, педагог ходимларга ўз вақтида методик ёрдамни ташкил этиш, умумий ўрта таълим мактабларида иқтидорли ўқувчиларнинг қобилиятларини маълум бир мақсадга йўналтириш, ёш авлоднинг маънавий-интеллектуал салоҳияти, онгу тафаккури ва дунёқарашини юксалтириш, она Ватани ва халқига муҳаббат, садоқат туйғуси билан яшайдиган баркамол шахсни тарбиялаш, беқиёс аҳамиятга эга бўлган китобхонлик маданиятини ошириш, аждодларимизнинг энг яхши намуналарини кенг тарғиб этиш, фарзандларимизда болаликдан бошлаб китоб ўқиш кўникмасини шакллантириш, жамиятимизда китобхонлик ва мутолаа маданиятини юксалтириш, изланувчан, ташаббускор ва ижодкор ўқитувчиларни аниқлаш, уларнинг тажрибасини ўрганиш, таълим-тарбия жараёнида қўлланилаётган методларни такомиллаштириш мақсадида буюраман:

1. Ўзбекистон Республикаси Халқ таълими вазирининг 2020 йил 13 августдаги “Халқ таълими тизимида узлуксиз методик хизмат кўрсатиш ишларини янада ривожлантириш тўғрисида” ги 183-сонли буйруғи ижро учун қабул қилинсин.

2. Вилоят халқ таълими тизимида “Бошланғич таълим” фан ойлиги Низом асосида 2021 йил 6 сентябрь – 30 сентябрь кунлари юқори савияда ташкил этилсин.
3. “Бошланғич таълим” фан ойлигини ташкил этиш бўйича ташкилий қўмита таркиби 1-иловага, фан ойлигини ташкил этиш тартиби 2-иловага, фан ойлигида вилоят миқёсида ўтказиладиган кўрик-танловларнинг Низомлари 3-иловага, фан ойлиги давомида вилоят миқёсида ўтказиладиган семинарлар 4-иловага, фестиваль номинациялари 5-иловага ва фан ойлиги якуни бўйича ҳисобот шакли 6-иловага мувофиқ тасдиқлансин.
4. “Бошланғич таълим” фан ойлигига таълим муассаса раҳбарлари, бошланғич синф ўқитувчи ва ўқувчилар, кутубхоначилар кенг жалб этилсин.
5. “Бошланғич таълим” фан ойлиги якунида “Бошланғич таълим – таълимнинг пойдевори” фестивали 2021 йилнинг 28-30 сентябрь кунлари барча туман, шаҳар халқ таълими бўлимларида кўтаринки руҳда ўтказилсин.