Навоий кон-металлургия комбинати

3.8. КФП жараёнининг технологияси. Қуритилган шихтани КФП га аэрацион (ҳаво ёрдамида) транспорт воситаси билан юкланади. Юкланаётган шихтани сони Радоактив зич­ликни ўлчайдиган дастгоҳ ёрдамида аниқланади. Шихта горелкалари печнинг бош томонида жойлашган. Горелка ўзи билан, сув билан со­вутиладиган, корпусга жойлашган металлик трубани тасаввур қилади. Горелкани ишлаш кўрсаткичлари:
Шихта бўйича ишлаб чиқиш унумдорлиги - 25 - 30 т/соат; Кислородни ортиқча босими - 0,5 * 10⁵ Па;
Кислородни сарфи - 6000 - 7500 м³ /соат.
Тезлик, м/с:
кислородни горелкадан чиқишида - 80 - 100;
Шихта-кислород аралашмасини горелкадан чиқиш даврида 20- 25.
Катта тезлик ва шихтани абразивлиги горелкани тезда ишдан чиқишига олиб келади. Горелкани таъмирсиз ишлаш даври 1- 2 ойни ташкил қилади. Қаттиқ котишмалар билан қоплаш горелкани ишлаш даврини бир оз купайтиради. Горелкалар 2 - 3 марта таъмирлашга ва тиклашга кодирдир.
Олдин Олмалиқ печида 2 горелка мавжуд эди. Бунда ишлаб чиқиш унумдорлигини бир-текис бошқариш қийин эди. Битта горелкани ишдан чиқиши, ёки уни унумдорлигини камайиши, иккинчи горелкага катта юклама тушиб, машъални узунлашишига ва ости девор кладкани тезда ишдан чиқишига олиб келади. Шунинг учун диаметри 350 мм иккита горелка ўрнига, 300 мм ли 3 горелка ўрнатилади. Шлакни нордонли­гини ошириш учун, бойитмага 15 - 20 % кварц флюси қўшилади. Ших­тада кварцни миқдорлиги 12 -15 % ни ташкил қилиши тавсия этилади. Котел - утилизаторни бир-текис ишлаши қийинлигини ҳисобга олган­да, нисбатдан мис камроқ штейн олиш учун иш оборилган (30 - 35 % Сu). Ҳозирги даврда штейнда 36 - 40 % мис олиш имконияти бор. Бундан бойроқ штейн олиш, мисни шлак билан исрофгарчилишини оши­шига олиб келади ва ишчи зонада хароратни кескин кўтарилиши мум­кин.
Жараённи хароратини пасайтириш ва десульфаризация даражасини кўпайтириш 30 % гача, қўшимча кварц флюсини юклаш билан амалга ошириши мумкин. Амма бунда, шлакни чиқиши кўпайиб, мисни исрофгарчилигини ошиши мумкин.
Қайта ишланаётган бойитмани майдалиги (- 0,047 мм тахминан 50 %) ва машъални катта аэродинамик узунлиги, чиқаётган газнинг катта даражада чанглигини таъминлайди. Ушбу газда 300 - 350 г/м каттик модда бор ва чангни чиқиши шихта массасидан 8 - 10 % таш­кил қилади.
КФП жараёни олтингугурт бирикмаларига бой газ олишга имкон яратади. Назария бўйича газда 85 - 95 % SO₂ бўлиши мумкин. Амали­ётда эса дастгоҳларни яхши герметик кимёси йўқлиги сабабли, газ­нинг миқдорида олтингугурт ангидридини миқдорлиги анча кам. Печ­дан чиқиш даврдаги газнинг намунавий миқдорлиги, %: 55 - 75 SO , 2 - 3O₂; 30 - 45 N₂. Бошқа жараён маҳсулотларининг таркиблари, %:

	Сu	Fe	S	SiO2	СаO	Fe3O4	Аl2O3
Шлак	0,8-1	40-42	0,5-1	32-35	1-1,5	10-12	3-4
Штейн	35-40	32-35	26	-	-	7-8	-
Чанг	18-21	18-26	7-12	3-5	-	-	1,5-2

Мисни шлакдаги кўп миқдорлиги, уни штейнга ўтиш даражасини камайтиради - 97 %, хомаки мисга эса - факат 94 % ташкил қилади.

Ажралиб чиқаётган чангда, асосан, сульфатлар бор, бу айланувчи хом ашё ҳисобланиб, жараён хароратини пасайтиришга имкон яратади.
Агарда шихта таркибида 12 - 14 % SiO₂ бўлиб, уни 35 - 40 % Сu ли штейнга эритилса, 11 т шихтага 220 - 240 м³ кислород сарф бўлади ва печнинг хажмида харорат 1350 - 1450 ⁰С ташкил қилади. Агарда SiO₂ ни миқдори камайса, ёки кислородни сарфи ошиб борса, харорат 1500 - 1600⁰С кўтарилиши мумкин. Бу тадбир огнеупор ғиштлари ишончлигини камайтиради ва авария холатига олиб келиши мумкин бўлиб қолади. Шунинг учун, шихта таркибини бир-текис ушлаб туриш катта аҳамиятга эга.
Десульфуризация ўзгармаган ҳолатда хароратни бошқариш жудаям қийин. Амалиётда бу кислородни нисбатлик сарфини ўзгартириш орқа­ли олиб борилади. Бу тадбир эса десульфурация даражасини ва штейн таркибини узгартиради.
Машъалнинг узунлиги жараённи юқори хароратда олиб боришга имкон яратади, печнинг хажмида харорат 1200 - 1300 ⁰С ташкил қила­ди. Печнинг ишчи хажмидан технологик газ дымосос орқали чиқарила­ди. Дымососни ишлаб чиқиш унумдорлиги бир соатда 50000 м³.
Жараённи қуйидаги кўрсаткичлари назорат остида бўлади:
1) Шихтани печда юкланиши;
2) кислород, табиий газ ва ҳавони сарфи;
3) кислородни, табиий газ ва ҳавони босими;
4) газнинг харорати;
5) вакуум қиймати;
6) электрофильтрдан чиқаётган газдаги SO ни миқдори;
7) котелдан чиқаётган бугнинг сони ва босими;
8) жараён эритма маҳсулотларини харорати.
Жараённинг окилона оқиб ўтишида шлакни харорати 1220 - 1250⁰С, штейнники эса 1150 - 1180 ⁰С бўлиши керак.
Печнинг ишлаб чикиш унумдорлиги ҳозирги даврда 10 - 11 т/м² суткада ташкил қилади.
КФП жараёни кислород-шихта аралашмасини горелкадан чиқиш тезлиги 15 - 20 м/с да оқиб ўтади. Тезлик камроқ бўлса, моддалар­ни кинетик энергияси кам бўлиб, тезда чўкади, тезликни каттароғи эса печнинг остига модда урилишига олиб келади.
Купчилик заводларда суюқ моддаларни массасини ковшлар сони билан ўлчанади.
Концентрат, флюс ва жараён маҳсулотларини кимёвий таҳлилга юборилади. Концентрат ва шихтани - Сu, Fe, S, SiO₂ ва СғO ларга; штейнни мисга; шлакни - Сu, Fe, SiO ва СаO ларга; Айланувчи чангда - Сu, Fe, SiO₂, СаO ва Аl₂O₃ лар аниқланади.
Капиталь таъмирдан кейин печь 72 - 96 соат даврида қизитилади, қизитиш тезлиги 15 - 20 % с/соатда. Печнинг қизитилиши 4 газ горелкалар билан олиб борилади. Уларни ишлаб чиқиш унумдорлиги - бир соатда 1000 м³.