Навоий кон-металлургия комбинати

9.1. Никель олиш технология ва хом ашё захиралари. Никель - оқ рангли металл, атом массаси 58,69 эриш харорати 1455⁰С, зичлиги 8,8 г/см². Никель пишиқлик ва юқори пластик хусу­сиятлари билан ажралиб туради. Никель пулатни хусусиятларини ях­шилайдиган элементларга киради. Яхши хусусиятларидан бир - кимё­вий инертлиги. Сульфат, уксус ва қанча бошқа минерал кислоталар унча таъсир қилмайди. Оддий хароратларда никель оксидланмайди. Оксидланиш 500⁰С юкори хароратларда бошланади.
Никель оксиди нотўғри бирикма бўлиб ажралади:
Ni₂ O₃ = 2 NiO + 0,5 O₂ (15.1)
Никель олтингугуртга катта тортилиш кучига эга. Уни паст сульфиди Ni₃ S₂ - эриш харорати 788⁰С бўлиб турғун бирикмалар гу­гуртга киради. Никельни иккинчи олтингугурт билан бирикмаси NiS юқори хароратларда ажралади:
3 NiS = Ni₃ S₂ + 0,5 S₂ (15.2)
Дунё амалиётида 70 % никель сульфидли мис-никель рудалардан олинади. Оксидланган никель рудалари АКШ, Япония, Куба ва бошқа давлатларда қайта ишланади. Бир йилда тахминан 500 минг тонна ни­кель ишлаб чиқарилади. Дунё бозорида ташкил қилади (1 тоннаси). Ўзбекистонда мустакил никель захиралари ҳали топилгани йўқ. Бир қанча никель Олмалиқ тоғ - металлургия комбинатининг рудаларида бор, лекин алоҳида ажратиб олинмайди. Керак бўлган никель хорижий давлатлардан импорт қилинади.
9.2. Оксидланган никель рудаларни тавсифи. Рудаларда металл оксид шаклда мавжуддир. Олтингугурт деярлик учрамайди. Руда ташқи кўринишида оддий тупроқга ўхшайди. Руда ўзига яхши сувни ўзлаштиради, шунинг учун унинг намлиги 15 - 40 % ни ташкил қилади. Оксидланган никель рудалари табиий ўзгаришлар натижасида пайдо бўлган ва иккиламчи захиралар ҳисобланади. Хориж давлатларда оксидланган никель рудалари Россия, Қозогистон, Укра­ина, Куба, Индонезия, Бразилия ва бошқа давлатларда учрайди.
Оксидланган рудаларда никель, асосан, бузенит (NiO) ва гарниерит (Ni, Mg) SiO₃ * n H₂O минераллар шаклда учрайди. Никель ру­дасида, купинча, кобальт хам учрайди. Унинг миқдори, никельга нисбатдан, 15 - 25 марта камроқдир. Рудаларнинг сигими породалари асосан лой (каолинит) Аl₂O₃ * 2 SiO₂ * 2 H₂O, тольк 3 MgO * 4 SiO₂ * H₂O, темир бирикмаси Fe₂O₃ * n H₂O , кварц ва охаклар билан билан келтирилган.
Оксидланган никель рудаларида сульфидли материаллар, нодир ва камёб металлар учрамайди. Бу кўрсатгич оксидланган рудалар бў­йича сульфидли мис-никель руда таркибидан тубдан ўзгаради.