Навоий давлат кончилик институти корхона жиҳозлари

1.12-расм. Қалпоқчалар: а- капсулли айлана; б- тунелли.

Қалпоқчаларнинг сонининг камлиги ва уларни тозалаш осонлиги бу тарелкаларнинг афзаллиги ҳисобланади. Лекин тунелли қалпоқчали тарелкаларнинг кўрсаткичлари кичик бўлганлиги учун уларнинг ўрнини ҳозирги кунда бошқа, замонавий контакт қурилмалари эгалламоқда.

10. 
    Клапанли тарелкалар
    

Клапанли тарелкалар ҳам саноатда кенг қўлланилади. Уларнинг асосий афзалликлари: газ ва суюқлик сарфларининг жуда катта оралиғида самарали модда алмашиниши таъминлайди; тузилиши оддий; металл сарфи кам ва арзон.
Клапанлар доира (диск) ва тўртбурчакли бўлади (1.13-расм).Клапанли тарелкалар фазаларнинг тўғри ва перпендикуляр оқимларида ишлайди. Дискли тўғри оқимли тарелкаларда шахмат кўринишида тешиклар жойлашган.Тешикларнинг устига диаметри 50 мм атрофида бўлган ва 608 мм га кўтарила олувчи дискли клапанлар ўрнатилган. Газнинг сарфи ўзгарганда клапаннинг оғирлиги туфайли тарелка сирти билан клапан орасидаги масофа автоматик равишда ўзгаради. Натижада газнинг барботаж қатламга кираётган жойдаги тезлиги ўзгармайди ва газ тезлигининг ортиши билан колоннадаги гидравлик қаршилик камроқ ортади. Тўрт бурчакли (улар пластинкали клапанлар ҳам деб юритилади) клапанларнинг ҳам ишлаш принципи худди шундай.
Балластли тарелкалар оддий клапанли тарелкалардан шуниси билан фарқ қиладики, улардан енгил клапан билан чегараловчи кронштейн орасида калта устунчаларда клапанга нисбатан оғирроқ балласт ўрнатилган.





1.13-расм. Клапанли тарелкалар: а,б- айлана клапанли; в- тўғри бурчакли клапанли; г- балластли; 1-клапан; 2- чегараловчи кронштейн; 3- балласт.

Газнинг кичикроқ тезлигида клапан кўтарилади. Газ тезлиги янада ошса, клапан балластга бориб тиралади ва кейин у билан бирга кўтарилади. Балластли тарелкалар бир маромда ишлайди ва газнинг барча тезликларида суюқлик пастга оқиб кетмайди (фақат қуйилиш қурилмасидан оқади).

Клапанли тарелкаларнинг чегараловчи элементи клапаннинг ўзида бўлган доира ҳамда цилиндрнинг бир қисми кўринишидаги турлари ҳам учрайди. Бу клапанларнинг ҳам ишлаш принципи юқоридаги клапанларники билан бир хил.

8.