Навоий давлат кончилик институти корхона жиҳозлари

1.1-расм тарелкали колонналар: а-қуйилиш қурилмаси; б-қурилиш қурилмали; 1-тарелка; 2-қурилиш қурилмаси

Қуйилиш қурилмаси бўлган тарелкаларда (1.1-расм, б) суюқлик пастга махсус қурилмадан оқиб тушади. Газ эса тарелка тешикларидан юқорига кўтарилади. қуйилиш қурилмасининг конструкцияси турлича бўлиши мумкин ва улар суюқликнинг тарелка устидаги ҳаракатини белгилайди (1.2-расм).

1.2-расм. суюқликнинг тарелка устидаги ҳаракати схемаси.

Конструкцияси бўйича тарелкалар қуйидаги бешта турга бўлинади: қалпоқчали, клапанли, тешикли, йўналтирилган оқимли ва комбинацияли.

8. 
   Тарелкали колонналарнинг асосий элементлар
   

Тарелкали колонналарнинг асосий элементларига ускуна корпуси, хом ашёни қуритиш қурилмаси, томчи ушлагич ва тарелкалар киради. Тарелкалар ҳақида кейинги мавзуда тўхталамиз.

Тарелкали колонкаларнинг корпуси пайвандлаб ёки царгалардан йиғилган бўлиши мумкин. Катта босимда ишлайдиган ва диаметри 1200 мм дан ортиқ бўлган корпуслар пайвандлаш, диаметри 400-1000 мм бўлганлари эса царгалардан йиғиш йўли билан ясалади. Корпуси пайвандлаб йиғилган ускунанинг тарелкалари люклар орқали монтаж қилинади ва таъмирланади. Ускуна диаметри ва контакт қурилмасининг (тарелканинг) конструкциясига қараб ҳар беш-ўнта тарелка оралиғида битта люк қўйилади. Уларнинг диаметри 450-600 мм ва люк ўрнатилган жойда тарелкалар орасидаги масофа 800-1000 мм бўлади. Царгалардан йиғилган колоннанинг тарелкалари қисмларга ажралмайди.
Тарелка билан корпус орасидаги бўшлиққа асбест ипдан қилинган қистирма тиқилади ва у махсус халқа билан сиқиб қўйилади.
Диаметри 1200 мм дан катта колонналарга қисмларга ажраладиган тарелкалар ўрнатилади. Улар алоҳида секциялардан иборат бўлади ва ускуна корпусига пайвандланган айлана таянч рамасига маҳкамланади. Тарелка ва рама оралиғига қистирма қўйилади.
Колоннага хом ашё киритиш қурилмалари модданинг агрегат ҳолатига боғлиқ. Суюқлик бевосита колоннанинг тақсимлаш қурилмасига киритилади. Агар киритилаётган муҳит оқимининг энергияси катта бўлса корпусни емиради. Бунинг олдини олиш учун махсус қайтаргичлар ўрнатилади.

6.